«Shevron» kompaniiasynyń muryndyq bolýymen ótkiziletin «Meniń bolashaqtaǵy mamandyǵym» jobasy kóptegen talantty jastarǵa ómirden óz ornyn tabýǵa septesip otyr.
Mine, kúni keshe ǵana atalǵan jobanyń qorytyndysy jasalyp, Almaty qalasy estý qabileti tómen balalarǵa arnalǵan №5 mektep-internaty jáne Almaty oblysy №1 balalar úiiniń tárbielenýshileri men oqytýshylary joba aiasynda alǵan áserlerimen bólisti. Balalar óz kezeginde arnaiy án shashý daiyndap, jobanyń demeýshisi tarapynan syilyqtar men diplomdarǵa ie boldy.
Baǵdarlama osydan 10 jyl buryn «Shevron» kompaniiasynyń «Jastar jetistigi» qorymen birlese otyryp bastaý alǵan bolatyn. Joba Almaty qalasy Bilim basqarmasynyń internat mekemelerin qamqorǵa alý bólimi men Balalar quqyǵyn qorǵaý departamentiniń qoldaýymen júzege asyryldy. Jobany iske asyrý kezindegi merzimniń ishinde áleýmettik toptan shyqqan 850 bala qoǵamǵa qajetti mamandyq túrlerimen tanysyp qana qoimai, sonymen qatar ómirge qajetti paidaly isterdi de meńgerdi.
Osy jyly «Meniń bolashaqtaǵy mamandyǵym» jobasy balalarǵa kásipkerlikpen ainalysýǵa múmkindik berdi. Atap aitqanda, balalar – meiramhana kásibin uiymdastyrý, ashanalar jelisin qurý baǵyttary boiynsha baq synady. Bul sala qonaqjai Qazaqstan úshin asa mańyzdy salanyń biri. Sebebi, bizdiń el Orta Aziiadaǵy týristik ortalyqtyń biri dep sanalady.
Aita ketelik, «Meniń bolashaqtaǵy mamandyǵym» jobasy Almaty týrizm jáne qonaqjailylyq indýstriiasy kolledjimen birge iske asyrylady. Shara barysynda №5 mektep-internatynyń oqý isi jónindegi orynbasary Natalia Grigoreva: «Bizdiń balalarymyz jobaǵa qatysa otyryp jan-jaqty bilim aldy, eń bastysy ashyldy, óz-ózine degen senimderi ósti. Kópshiligi joba aiasynda tanysqan mamandyq boiynsha bilim alǵysy keletinin aitty», – dep aǵynan jaryldy.
Dýman Tanabasov
