Sot zalynda tergeý eksperimenti kezinde túsirilgen shok jaǵdaidaǵy kadrlar kórsetildi. Beinejazbada sottalýshy Sultan Sársemáliev qylmys ornynda turyp, pyshaqqa jarmasar aldyndaǵy oilaryn salqynqandy ári egjei-tegjeili baiandaǵan, dep habarlaidy dalanews.kz.
Onyń aitýynsha, jubaiyn ata-anasynyń úiinde qaldyrýdy talap etken jáne qalǵan balalaryn kúshpen alyp ketemiz dep qorqytqan qaiyn atasy men qaiyn enesimen aradaǵy uzaqqa sozylǵan janjal ony tyǵyryqqa tiregen.
Týystarynyń ony "eshkim emessiń" dep qorlaýy er adam úshin sheshýshi sátke ainalǵan.
Tergeý eksperimenti videosyndaǵy negizgi derekter:
Qorqynyshty tańdaý. Rekonstrýktsiia kadrlarynda Sársemáliev ashyq moiyndaidy:
"Mende úsh nusqa boldy: ólý, balalarymdy berý nemese óltirý. Olardyń talaptary men qorlaýy tamaǵyma tyǵyldy. Bes balamdy endi kórmei qalamyn ba dep qatty qoryqtym da, aqyry óltirýdi sheshtim".
Jospar saraida ózgergen. Bastapqyda Sársemáliev saraiǵa óz-ózine qol jumsaý oiymen kirgenin aitqan. Alaida jaqyndarynan aiyrylyp qalamyn degen qorqynysh basym túsip, ol eń qatygez joldy tańdaǵan. Sottalýshy tergeýshilerge jappai kisi óltirýge sanaly túrde barǵanyn túsindirgen.
