Úkimet basshysynyń orynbasary Ermek Kósherbaev depýtattardyń saýalyna bergen jaýabynda memlekettik tirkeýsiz neke qiiatyn imamdar jaýapqa tartylatynyn eskertti, dep habarlaidy Dalanews.kz Ulysmedia.kz-ke siltep.
Kósherbaev jaýabynda tek memlekettik organdar arqyly qiylǵan neke tanylatynyn atap ótti. Qazaqstan musylmandary Dini basqarmasy bekitken erejelerge sáikes, dini mekemeler memlekettik tirkeýsiz neke qiiý rásimderin ótkizbeýi tiis deidi ol.
Tiisinshe, dini rásimder boiynsha jasalǵan neke tirkelgen nekege teń kelmeidi. Imam «neke qiiý» rásimin memlekettik tirkeýsiz ótkizilgen jaǵdaida sógis túrinde jaýapqa tartylady. QMDB resmi tirkeýsiz dini neke qiiýǵa jol bermeý jáne jolyn kesý maqsatynda jergilikti atqarýshy organdarmen birlesip halyq arasynda belsendi túrde túsindirý jumystaryn júrgizedi, – delingen Kósherbaevtiń jaýabynda.
Kósherbaevtiń jaýabynda sonymen birge, ajyrasqan jastar jóninde statistika keltirilgen. Ulttyq statistika biýrosynyń málimeti boiynsha, keiingi 5 jylda elimizde ajyrasqandar (2019 jyly - 59796 ajyrasý, 2023 jyly – 40227, 32,7%-ǵa tómendegen) sany azaiǵan.
BUU derekterine sáikes Qazaqstanda ajyrasý koeffitsienti 2019 jyly 1000 adamǵa shaqqanda 3,23-ten 2023 jyly 2,0-ge deiin tómendegen. Basqa eldermen salystyrǵanda bul kórsetkish salystyrmaly túrde tómen, demek Qazaqstan ajyrasý deńgeii eń joǵary elder tizimine enbeidi deidi ol. Máselen, basqa elderdegi ajyrasý koeffitsienti 1000 adamǵa shaqqanda Lihtenshteinde 4.9, Grýziiada 3.7, Belarýste 3.7, Latviiada 2.8, Andorrada 2.7, KostaRikada 2.6, Egipette 2.5, Litvada 2.5, Dominikan Respýblikasynda 2.4, Grenlandiiada 2.4, Daniiada 2.1, Ázerbaijanda 2.1, Finliandiiada 2.1, Shvetsiia jáne Túrkiiada 2.0 quraidy.
