Aǵymdaǵy jyldyń 7 qarashasynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń orynbasary Ǵ.Asanuly Q.A.Iasaýı atyndaǵy HQTÝ-niń jańadan ashylǵan Memlekettik qyzmet mektebiniń stýdentterine kezekti ret dáris oqydy.

Bul dáris memlekettik qyzmet salasynda qyzmettik etıka máselelerin qamtydy.

Tyńdaýshylar qatarynda Memlekettik qyzmet mektebine qabyldanǵan 20 stýdent, osy ýnıversıtettiń «Memlekettik jáne jergilikti basqarý» jáne «Menejment» mamandyqtarynyń 3 kýrs stýdentteri boldy.

İs-shara barysynda Ǵ.Asanuly kásibı memlekettik qyzmet atqarý qoǵam men memleket tarapynan erekshe senim bildirý bolyp tabylatyny jáne memlekettik qyzmetshilerdiń moraldyq-ádeptilik beınesine joǵary talaptar qoıatyny týraly aıtyp ótti.

Memlekettik qyzmetshilerdiń ádep normalaryn saqtaýǵa baǵyttalǵan ádep jónindegi keńes pen ádep jónindegi ýákilderdiń jumysyna toqtalyp ótti.

İs-sharada stýdentter taqyrypqa baılanysty saýaldar qoıyp, memlekettik qyzmet salasyna qatysty jańa kózqarastyń qalyptasýyna múmkindikter aldy.

Dáris sońynda arnaıy ázirlengen beınerolıkter tyńdaýshylar nazaryna usynyldy.

 

Dalanews.kz