Memlekettik qyzmetti jetildirý zaman talaby
Departament basshysymen ótkizilgen jiyndy aýdan ákimi B.Tanagózov ashyp, júrgizip otyrdy.
Kezdesý barysynda sóz alǵan Ǵ.Sultanuly «100 naqty qadam» Ult josparyn júzege asyrýda memlekettik apparattyń turaqtylyǵy baǵytynda atqarylyp jatqan jumystarǵa keńinen toqtalyp ótti.
«Ult josparynyń alǵashqy baǵyty kásibi memlekettik apparat qurý sheńberinde jańadan «Qazaqstan Respýblikasynyń memlekettik qyzmeti týraly» jáne «Sybailas jemqorlyqqa qarsy is-qimyl týraly» Zańdary, QR memlekettik qyzmetshileriniń Ádep kodeksi qabyldanǵanyn jáne memlekettik qyzmet salasynda kásibilikti qamtamasyz etýdi jetildirý maqsatynda birqatar jumystar atqarylyp jatqanyn baiandady.
Júieli jasalǵan jumystardyń nátijesinde memlekettik qyzmettiń turaqtylyǵy qamtamasyz etilip, búgingi kúni memlekettik qyzmetten ketý deńgeii 2 esege tómendegenin, sondai-aq, pilottyq joba retinde birqatar memlekettik organdarda faktorlyq-baldyq shkala júiesi engizilip, ondaǵy memlekettik qyzmetshilerdiń jalaqysy 2-den 2,5 esege deiin kóterilgenin tilge tiek etti.
Buǵan qosa, erekshe qosqan úlesteri men jeke bastamalary úshin tiisti kezeńniń qorytyndysymen qomaqty bonýstar tólenetinin aitty.
Is-sharada Departament basshysy oblys ortalyǵy Túrkistan qalasynda jańa testileý ortalyǵy ashylǵanyn jáne jýyq arada Qazaqstan Respýblikasy Prezidentiniń janyndaǵy Memlekettik basqarý akademiiasynyń oblystyq filialynyń ashylýy josparlanyp otyrǵany týraly jańashyldyqtarmen bólisti.
Jiyn sońynda qatysýshylarǵa para alyp ustalǵan sheneýnikterge qatysty video túsirilimder kórsetildi.
Túrkistan oblysy ákiminiń baspasóz qyzmeti
