Basqosýǵa óńirdiń sybailas jemqorlyqqa qarsy qyzmet departamentiniń basshysy Denis Shákenov, qalalar men aýdandardyń ákimderi, oblystyq basqarmalardyń basshylary qatysty.
Keńeste «Sybailas jemqorlyqtyń aldyn alý jáne oǵan qarsy is-qimyl» úlgilik bazalyq baǵyty boiynsha jobany iske asyrýdyń máseleleri qaraldy.
Prezident Qasym-Jomart Toqaevtyń memlekettik basqarýda jańa tásilderdi qoldaný týraly tapsyrmasyn oryndaý maqsatynda oblys ákimi Danial Ahmetov bekitken sybailas jemqorlyqqa qarsy is-qimyl máseleleri jónindegi komissiianyń 2022 jylǵa arnalǵan jumys josparyn iske asyrý úshin sybailas jemqorlyqqa qarsy is-qimyl jáne sybailas jemqorlyqqa qarsy mádenietti qalyptastyrý jónindegi is-sharalar jobalyq basqarý printsipi boiynsha júzege asyrylady.
– Sybailas jemqorlyq kórinisteriniń aldyn alý jáne birlesken kúsh-jiger arqyly ǵana ony qoǵam men memlekettik organdarda joiýǵa bolady, – dedi derbes basqarmalar jumysynyń nátijelerin tyńdaǵan Almashan Baýyrjanuly.
Sondai-aq, ol sybailas jemqorlyqqa qarsy is-qimyldy jandandyryp, formalizmdi tyiýdy tapsyrdy.
– №4 Úlgilik bazalyq baǵyt – sybailas jemqorlyqqa qarsy is-qimyl jónindegi jol kartasy. Sybailas jemqorlyqqa qarsy qyzmettiń basty mindeti – sybailas jemqorlyqtyń aldyn alý. Biz ádistemelik kómek kórsetýge daiynbyz. Qarapaiym tilmen aitqanda, sybailas jemqorlyqqa qarsy is-qimyl isindegi memlekettik organdardyń nátijelerin tiimdi baqylai otyryp, negizgi mindetter aiqyndaldy.
Negizgi quraldardyń biri – ishki taldaý. Memlekettik organdardyń basshylary sapaly ishki taldaýǵa ózderi múddeli bolýy tiis. Óitkeni bul bolashaqta sybailas jemqorlyq kórinisterin boldyrmaýǵa múmkindik beredi. Basqarýshylyq qatelikter kóbinese quqyqtyq olqylyqtar men qaqtyǵystarǵa bailanysty. Tek sapaly taldaý ǵana bizge aldyn alý sharalaryn ýaqytyly qabyldaýǵa jáne memlekettik qyzmetshini sybailas jemqorlyqtan qorǵaýǵa múmkindik beredi, – dedi Denis Shákenov.
Jiyn sońynda oblys ákiminiń birinshi orynbasary jergilikti atqarýshy organdardyń qyzmetkerleri úshin sybailas jemqorlyqqa qarsy qyzmetpen birlesip sybailas jemqorlyq táýekelderine ishki taldaý júrgizý boiynsha oqytý seminaryn uiymdastyrýdy usyndy.
Erjan KEŃESULY
