Qarjy ministrligi memlekettik qyzmetshilerge tólenetin syiaqy máselesine qatysty jaǵdaidy túsindirdi, - dep habarlaidy Dalanews.kz.
Úkimettiń 2001 jylǵy 29 tamyzdaǵy №1127 qaýlysyna sáikes memlekettik qyzmetshilerge syiaqy tóleý, materialdyq kómek kórsetý, laýazymdyq ailyqaqylaryna ústemeaqy qosý biýdjet qarajatyn únemdeý esebinen ǵana júzege asyrylady.
Osy qaýly boiynsha shyǵyndardyń naqty tizimi aiqyndalǵan. Olar únemdelgen jaǵdaida ǵana syiaqy tólenýi múmkin (issaparlarǵa, kommýnaldy jáne kólik qyzmetterine, bailanys qyzmetterine, úi-jailardy jalǵa alýǵa jáne t.b. shyǵyndar boiynsha únemdeý).
"Búginde bul qaýlyǵa, sondai-aq basqa da zańnamalyq aktilerge syiaqylardy shekteitin ózgerister engizilmegendikten, memlekettik qyzmetshilerge syiaqylardy berýge tyiym salatyndai negiz joq", - dep jazylǵan habarlamada.
Ministrlik buǵan deiingi habarlamany túsindirdi.
"Osyǵan deiingi habarlamada Úkimet qaýlysynyń normalaryn buljytpai ustaný qajet ekeni jáne baǵdarlama ákimshileriniń qyzmetkerlerdi tizbede kórsetilgenderden bólek, biýdjettik baptardan qarajatty syiaqyǵa paidalanýǵa jol bermeý týraly aitylǵan bolatyn. Investitsiialyq jobalardy iske asyrýdan jáne/nemese memlekettik apparattyń jumysyna áser etpeitin materialdyq aktivterdi satyp alýdan únemdelgen qarajat biýdjetke qaitarylýǵa tiis", - dep jazylǵan habarlamada.
Aita keteiik, buǵan deiin BAQ-ta qarjy ministri Mádi Takiev Májilis kýlýarynda sheneýnikterdiń biýdjette artylǵan qarjyny syiaqy retinde ózderine ala almaitynyn aitqany týraly aqparat tarady.
BAQ ókilderi Mádi Takievten sheneýnikterdiń syiaqy mólsheri týraly da suraǵan edi. Alaida ministr bul saýalǵa jaýap bermedi.
