QR Ǵylym jáne joǵary bilim ministrligi men Ulttyq testileý ortalyǵynyń áleýmettik jelilerinde 2024-2025 oqý jylyna arnalǵan bilim granty iegerleriniń tizimi jariialandy.
Granttardy taǵaiyndaý konkýrsyna qatysý úshin 104 myńnan astam talapker qujat tapsyrdy. Bul ótken jylmen salystyrǵanda 10 myńǵa artyq.
Memlekettik granttar respýblikalyq komissiia otyrysynyń qorytyndysy boiynsha taǵaiyndaldy. Komissiia quramynda QR Parlamentiniń depýtattary, múddeli memlekettik organdardyń, bilim salasy kásipodaqtarynyń, QR Ulttyq kásipkerler palatasynyń, QR Joǵary oqý oryndarynyń assotsiatsiiasynyń jáne qoǵamdyq uiymdardyń ókilderi boldy.
Bir granttyq orynǵa eń úlken konkýrs «Stomatologiia» BBBT boiynsha boldy. Bul mamandyq boiynsha 35 talapker bir orynǵa talasty. Ary qarai «Halyqaralyq qatynastar jáne diplomatiia» (11 adam), «Dene shynyqtyrý muǵalimderin daiarlaý» (10 adam), «Aýdarma isi» jáne «Psihologiia» (9 adam) boldy.
Grantqa úmitkerler arasynda baldar teńdigi jaǵdaiynda basym quqyqqa ie bolatyn 22 myńnan astam talapker, olardyń ishinde «Altyn belgi» iegerleri, halyqaralyq jáne respýblikalyq olimpiadalardyń jeńimpazdary, oqý úzdikteri bar. Sondai-aq, granttardy úilestirý barysynda áleýmettik osal sanattaǵy balalardyń kvotalary eskerildi.
Joǵary oqý oryndaryna qujattardy tapsyrý 25 tamyzǵa deiin júzege asyrylady.
Esterińizge sala ketsek, granttardyń basym bóligi injenerlik jáne tehnikalyq baǵyttarǵa bólingen. Memleket basshysynyń tapsyrmasymen alǵash ret ishinara oqý aqysy bar saralanǵan granttar engizildi. «Pedagogikalyq ǵylymdar» jáne «Áleýmettik ǵylymdar, jýrnalistika jáne aqparat» baǵyttary boiynsha 150 saralanǵan granttan bólingen. Sondai-aq, «Serpin» baǵdarlamasy arqyly túsýshilerge 3 903 grant bólingen. Granttar tiziminde 5 000 halyq tyǵyz qonystanǵan jáne batys óńirlerdiń jastaryn jetekshi joǵary oqý oryndarynda oqytý úshin maqsatty bilim berý granty bar.
