SQO-da politseiler artemia salina shaianyn zańsyz aýlaǵan kúdiktilerdi ustady, - dep habarlaidy Dalanews.kz.
Soltústik Qazaqstan oblysy politsiia departamentiniń uiymdasqan qylmysqa qarsy kúres basqarmasy qyzmetkerleriniń nazaryna úsh adamnan turatyn top kózge tústi.
33 jáne 22 jastaǵy eki petropavldyq, Qyzyljar aýdanynyń 33 jastaǵy turǵyny artemiia salina shaianynyń jumyrtqalaryn zańsyz aýlaǵan degen kúdikke ilinip otyr.
"Olar uiymdasqan qylmysqa qarsy is-qimyl basqarmasynyń 6637 áskeri bóliminiń áskeri qyzmetshileri jáne oblystyq prokýratýranyń úilestirýimen ózara is-qimyl jasaý kezinde ustaldy. Olar Mamliýt aýdany aýmaǵyndaǵy Meńkeser tuzdy kólinde zańsyz óndirgen", - dep jazylǵan habarlamada.
Oqiǵa ornynan politseiler jalpy salmaǵy 460 keli bolatyn, 6 qapqa salynǵan shaian jumyrtqalaryn tárkiledi.
Júrgizilgen saraptama memleketke keltirilgen ziiandy 3 million 712 myń teńgege baǵalady.
"Zańnama talaptaryna sáikes top quramynda balyq, basqa da sý janýarlaryn nemese ósimdikterdi zańsyz aýlaý 6 jyldan 10 jylǵa deiingi merzimge bas bostandyǵynan aiyrý túrindegi qylmystyq jaýaptylyqqa ákep soǵady", - deidi Soltústik Qazaqstan oblysy politsiia departamenti bastyǵynyń orynbasary Asqar Muhametqaliev.
