Prezident Qasym-Jomart Toqaev Er-Riiadta ótken himiiadan 56-shy Halyqaralyq olimpiadanyń júldegerlerine quttyqtaý jedelhatyn joldady.
– Elimizdiń qurama komandasy úshinshi jyl qatarynan osynaý bedeldi týrnirde joǵary nátijege qol jetkizgeni qýantady. Biyl sizder eki altyn, bir kúmis jáne bir qola medal jeńip alyp, bilim deńgeilerińizdiń óte joǵary ekenin kórsettińizder. Osy arqyly otandyq bilim berý salasynyń halyqaralyq ǵylymdaǵy bedeli zor ári básekege qabiletti ekenin dáleldedińizder. Bul rette ustazdar men ata-analardyń sińirgen eńbegi eren. Sizderdiń jeńisterińiz elimizdiń damýyna qyzmet etetin kásibi jetistikterge ulasatynyna senimdimin, – dep jazylǵan jedelhatta.
Memleket basshysy jas daryn ieleriniń aldaǵy ýaqytta da bilimniń biik shyńyn baǵyndyra berýlerine tilektestik bildirdi.
