Memleket basshysy KIA korporatsiiasynyń prezidenti Ho-sýng Songty qabyldady, - dep habarlaidy Dalanews.kz.
Prezident avtoindýstriiany damytý Qazaqstannyń ónerkásip saiasatynyń negizgi baǵyttarynyń biri sanalatynyn atap ótti.
Ho-sýng Song Qasym-Jomart Toqaevqa Qostanaidaǵy avtomobil shyǵaratyn tolyq tsikldi zaýyt qurylysynyń barysy týraly málimet berdi. Zaýyt jyl sońyna deiin paidalanýǵa berilmek.
Jobany júzege asyrý úshin 90 milliard teńgeden astam investitsiia tartylǵan. 1,5 myń turaqty jumys ornyn ashý josparlanyp otyr.
Zaýyttyń jobalyq qýaty jylyna 70 myń avtomobil shyǵarýǵa eseptelgen. Onyń ishinde 50 myń avtomobil usaq bólshekterden qurastyrý ádisimen óndiriledi, iaǵni jergilikti ónim úlesi barynsha joǵary bolady.
Ho-sýng Song avtomobildiń qosalqy bólshekterin jahandyq deńgeide óndirýshilerdi Qazaqstanǵa tartý jumystary júrgizilip jatqanyn jetkizdi. Atap aitqanda, elimizde avtokóliktiń qosalqy bólshekterin shyǵaratyn zaýyt salý jóninde koreialyq Seoyong EHWA (KIA kólikterine arnalǵan avtobólshekter óndirýshi) kompaniiasymen kelisimge qol qoiyldy.
Memleket basshysy KIA korporatsiiasynyń Qazaqstanda avtobólshekterdiń jergilikti óndirisin jolǵa qoiý týraly sheshimin quptady. Sondai-aq atalǵan salany damytý úshin bilikti otandyq mamandar daiarlaý qajet ekenin aitty.
