Mektepterdegi tártip buzýǵa beiim 1 400-den asa jasóspirim politsiia baqylaýyna alyndy. Bul týraly IIM ákimshilik politsiia basqarmasynyń basshysy Áset Ospanov aitty, dep habarlady Dalanewskz.
Ospanovtyń aitýynsha, barlyǵy ishki ister organdarynyń baqylaýyna alyndy. Ol kámeletke tolmaǵandar tarapynan bopsalaýdyń 40 faktisi tirkelgenin atap ótti.
Sonymen qatar ógei ákesimen birge turatyn balalar erekshe baqylaýǵa alynady.
“Balalarǵa qatysty zorlyq-zombylyq faktilerin anyqtaý úshin politsiianyń algoritmi boiynsha ákimshilik ýchaskeni aralaý kezinde ógei ákesi jáne ógei sheshesimen birge turatyn balalarǵa erekshe nazar aýdarylady. Byltyr jeltoqsanda memlekettik organdarmen birlesip, zorlyq-zombylyqqa, qorqytýǵa, kiberbýllingke ushyraǵan kámeletke tolmaǵandardy erte anyqtaý jáne olarǵa kómek kórsetý jónindegi arnaiy ádisteme bekitildi”, - dedi basqarma basshysy.
