Qylmystyq ister boiynsha kassatsiialyq sot Qyzylorda qalasynda jasóspirimdi azaptaý jáne ony jynystyq qyzmet kórsetýge májbúrleý týraly qylmystyq isti qarady, dep habarlaidy Dalanews.kz.
Baspasóz qyzmetiniń habarlaýynsha, sotqa aiyptalǵandardyń advokattary men qorǵaýshylary (týystary) jazany jeńildetip, bas bostandyǵynan aiyrýdy bas bostandyǵyn shekteýmen almastyrý týraly shaǵymdar joldaǵan. Isti qaraý jabyq rejimde ótti.
Advokattar men qorǵaýshylardyń shaǵymdary qanaǵattandyrylmai, jazalar ózgerissiz qaldyryldy.
«Jaza qylmystyq kodekstiń baptary boiynsha kózdelgen sanktsiialar sheginde, jasalǵan qylmystardyń sipaty men qoǵamdyq qaýiptiligin, aiyptalýshylardyń tulǵasyn, árqaisysynyń qylmystardy jasaýdaǵy rólin, sondai-aq jaýapkershilikti jeńildetetin jáne aýyrlatatyn jaǵdailardy eskere otyryp taǵaiyndaldy», – dep habarlady kassatsiialyq sottan.
Esterińizge sala keteiik, 2024 jyldyń tamyz aiynda áleýmettik jelide 16 jasar qyzdyń seksýaldy quldyqqa ushyraǵany týraly aqparat taraǵan bolatyn. Keiin politsiia qylmystyq is qozǵap, kámeletke tolmaǵan kúdiktilerdiń ustalǵanyn habarlady.
