Bas pedagog onlain oqytýǵa úzildi-kesildi qarsy ekenin jetkizdi. Onyń oiynsha, bala bilimdi tek muǵalimnen emes, synyptastarynan da úirenedi.
Qashyqtan oqytý bolmaidy dep úmittenemin. Arasynda bolatyn shekteýlerge bailanysty qashyqtan oqytýǵa úzildi-kesildi qarsymyn jáne bul dástúrli oqytýmen teń kelmeidi dep esepteimin. Bul jerde másele tek bilimde emes, munda áleýmettený men ál-aýqat máselesi de bar.
Balalar bir-birimen qarym-qatynas jasaýy kerek. Óitkeni olar muǵalim synypqa kelip, jańa taqyrypty túsindirip bergende ǵana emes, úziliste nemese ashanada bir-birimen aralasqanda da úirenedi, – dedi ministr Ashat Aimaǵambetov
Degenmen koronavirýs juqtyrý Qazaqstanda kúnnen kúnge ósip keledi.
"Oqýshylar onlain oqýǵa kóshýi múmkin be?" degen saýalǵa ol:
Bári múmkin. Biraq meniń ustanymym: qashyqtan oqymaýymyz kerek. Byltyr aýrýshańdyqtyń joǵarylaǵanyna qaramastan mektepterde infektsiia órshimegenin kórdik.
Mektepte oqyǵan balalar qashyqtan oqityndarǵa qaraǵanda áldeqaida az aýyrady. Óitkeni mektepte tártip pen distsiplina kóbirek.
Mektepter eń sońynda jabylyp, birinshi bolyp ashylýy kerek. Al bazar men dúkender ashyq bolyp, mektep jabylsa, bul durys emes, – dep jaýap berdi Oqý-aǵartý ministri Ashat Aimaǵambetov.
Foto: tengrinews.kz
