Qazaqstanda oqý jylynyń basynan mektep kitaphanalarynyń qory eki million kórkem ádebietpen tolyqtyryldy. Sonymen qatar mektep kitaphanalarynyń janynan kovorking-ortalyqtar ashylyp jatyr. Elimizde barlyǵy 440 kovorking-ortalyq jumys isteidi.
Qazaqstandyq joǵary oqý oryndary da kitaphanalaryn avtomattandyrady jáne qaita jabdyqtaidy. Bul baǵytta belsendi jumys stýdentterge kitap izdeý jáne alý boiynsha yńǵaily servis usyný, sondai-aq kitaphanashylarǵa kitaphana qorymen jumys isteý úshin yńǵaily qural jasaý úshin júrgiziledi.
Engizilip jatqan avtomattandyrylǵan júieler oqyrmandar sanyn arttyrýǵa, qyzmet kórsetý sapasyn jaqsartýǵa jáne jumys ýaqytyn qysqartýǵa múmkindik berdi. Mysaly, jańa tehnologiialardy engizýdiń jáne JOO-nyń qalalyq mekteptermen belsendi jumysynyń arqasynda Qaraǵandy tehnikalyq ýniversitetinde oqyrman sany 17 myńǵa deiin artty.
Toraiǵyrov ýniversitetinde stýdentterdiń kitap oqýǵa degen qyzyǵýshylyǵyn arttyrý maqsatynda kitaphanada aýdany 1560 m2 kovorking-ortalyq, konferents-zal jáne stýdentterge arnalǵan demalys aimaǵy ashyldy.
– Bilim jáne ǵylym ministrligi joǵary oqý oryndarynyń, mektepter men kolledjderdiń aldyna bilim alýshylardyń oqýǵa degen qyzyǵýshylyǵyn arttyrý, mekteptermen jumysty jandandyrý, jaǵdaidy jaqsartý jáne qajetti aqparatty izdeýdiń tiimdi joldaryn qamtamasyz etý mindetin qoidy. Sondyqtan qazir JOO-lar avtomattandyrylǵan júieler men ózgerister engizý, talaptarǵa sáikes júielerdi pysyqtaý jáne personaldy oqytý boiynsha sharalar qabyldap jatyr. Sonymen qatar ýniversitetter kitaphana qoryn jańa basylymdarmen tolyqtyryp jatyr. Eń bastysy, ýniversitet kitaphanalary mektep oqýshylary úshin ashyq bolady. Mediaresýrstar sany da artty – elektrondy oqýlyqtar, entsiklopediialar, ádistemelik quraldar jáne basqa da ádebietter kóbeidi. Elektrondyq kitaphanalardyń tolyq mátindi jáne mýltimediialyq resýrstary, sonyń ishinde Web of Science jáne Scopus halyqaralyq bazalary qoljetimdi boldy. Bul sharalar stýdentterimiz úshin barlyq jaǵdaidy jasaý úshin qabyldanyp jatyr, – dedi Bilim jáne ǵylym vitse-ministri Qýanysh Erǵaliev.
