Medvedevpen kezdesý barysynda Másimov 1917 jylǵy oqıǵalardy tilge tıek etti.
"Bizdiń bir saýalymyz bar. Sol jyldardaǵy qazaqtyń ult-azattyq qozǵalys jetekshileriniń biri Keıki batyrdyń bassúıegi uly Petr atyndaǵy Reseı ǵylym Akademıasynyń antropologıa jáne etnografıa murajaıynda tur. Sizden surarym bálkim tapsyrma berersiz, bálkim osy máseleni sheshýge atsalysarsyz. Bálkim biz almasarmyz nemese ony bassúıegin Qazaqstanǵa qaıtaryp, týǵan topyraǵyna jerleý úshin basqa da joldaryn tapsaq jón bolar edi. Qazaq úshin bul óte mańyzdy másele" – dedi Másimov.
"Kúmándanbańyz. Men bul týrasynda aýyzsha tapsyrma beremin nemese qaǵaz júzinde bekitemin. Muny qarastyratyn bolamyz. Sosyn sizben habarlasyp sońǵy sheshim qabyldaımyz", – dedi óz kezeginde Medvedev.
Keıki batyr 1916 jylǵy Torǵaı kóterilisiniń kórnekti kósemderiniń biri. 1926 jyly Keıki batyrdyń bassúıegi Sankt-Peterbýrgtegi Kýnstkameraǵa jetkiziledi.
Eki eldiń Úkimet basshylarynyń kezdesýi Sochıde ótip jatyr.
