Ánshi ári akter Medeý Arynbaev "Búgin.live" baǵdarlamasyna qatysyp, otbasyndaǵy qýanyshty jańalyǵyn bólisti, dep habarlaidy dalanews.kz.
Óner iesiniń aitýynsha, kelesi jyly ulynyń shańyraq kóterýi josparlanyp otyr. Qazir onyń súigen qyzy bar jáne ekeýi jaqsy qarym-qatynasta.
Medeý Arynbaev balasynyń jeke tańdaýyna aralaspaitynyn jáne jastarǵa eshqandai talap qoimaitynyn aitty.
"Kelesi jyly ulymdy úilendirsek degen oiymyz bar. Qazir súigen qyzy bar, ekeýi jaqsy aralasyp júr. Barlyǵyn ózi sheshedi, men eshqandai talap qoimaimyn. Biz tek nietimizdi bildirip, tileýles bolyp otyrmyz", – dedi ánshi.
Ol jastarǵa ata-ananyń senimin aqtap, bir-birin túsinip ómir súrý mańyzdy ekenin únemi aityp júretinin jetkizdi.
"Eń bastysy – bir-birin túsinip, óz baqyttaryn birge tapsa bolǵany", – dedi Medeý Arynbaev.
