Pavlodar oblysy ákimdiginiń baspasóz qyzmeti málimetinshe, avtobýstyń boljamdy ornalasqan jerine arnaiy tehnikanyń kirýi úshin ótkeldi tereńdetý jumystary jalǵasyp jatyr. Osy ýaqytqa deiin barlyǵy 200 myń tonnadan asa topyraq pen taý jynystary shyǵaryldy.
"Maiqaiyń-altyn" AQ aýmaǵyndaǵy opyrylǵan shuńqyrdyń túbine shaǵyn kólemdi ekskavator túsirildi. Jumystar asqan saqtyqpen jáne barlyq qaýipsizdik sharasyn saqtai otyryp júrgizilip jatyr", - dep jazylǵan Pavlodar oblysynyń ákimdigi habarlamasynda.
Jumystardy júrgizý kezinde jumys qujattary jáne jol-sapar jýrnaly bar qutqarýshylardyń sómkesi, sondai-aq, memlekettik tirkeý nómiri bar avtobýstyń shanaq bólshegi tabyldy. Izdestirý jalǵasyp jatyr.
"Avtobýs bolýy múmkin jerge deiingi topyraqty qazyp alý mindeti qoiylǵan shaǵyn ekskavatordyń jumysy aiaqtalǵannan keiin mamandar ony joǵary kóterý jumystaryn bastaidy. Biz bul jumystardy búgin jáne erteń aiaqtaimyz dep úmittenemiz. Izdestirý jumystaryna barlyǵy 141 adam, 50 birlik tehnika, 1 kinologiialyq esep jáne 2 dron jumyldyrylǵan", - dep jazylǵan Pavlodar oblysynyń ákimdigi habarlamasynda.
Aita keteiik, Pavlodar oblysynda qutqarýshylar bar avtobýs jer astyna túsip ketken bolatyn, keiin eki adam óli tabyldy.
