Pavlodardaǵy “Maıqaıyń-altyn” kenishi aýmaǵynda qaza tapqan qutqarýshy Aıdos Shaımerdenniń otbasyna materıaldyq kómekpen birge, tórt bólmeli páter syıǵa berildi, dep habarlaıdy Dalanews.kz.
Bul týraly oblys ákimi Asaıyn Baıhanov áleýmettik jelidegi paraqshasynda málimededi.
"Otandastyrymyzdyń janashyrlyq sezimin jaqsy túsinemin. "Otbasy nelikten nazardan tys qaldy" degen alyp-qashpa áńgimege jol bermeý úshin, qutqarýshynyń otbasyna kómek kórsetilip jatqanyn jetkizgim keledi", – dedi ákim.
Onyń sózinshe, 2024 jyldyń sáýir aıynda "Maıqaıyń-altyn" AQ Aıdostyń áıeli Nursulý Shaımerdenge 28 mıllıon teńge qarjylaı kómek berilgen. Jyl basynda qaıtys bolǵan qutqarýshynyń otbasy men ata-anasynyń 8 mıllıon teńgeden astam nesıe ótelgen.
"2024 jyldyń 1 maýsymynda oblys ákimdigi Aıdostyń artynda kámeletke tolmaǵan 5 balasy qalǵandyqtan, Nursulý Shaımerdenge Pavlodar qalasynan tórt bólmeli páter berdi. Aıdos qaıtys boldy dep resmı túrde jarıalanǵanǵa deıin otbasy músheleri ortasha aılyq jalaqysyn alyp otyrdy. Onyń máıiti tabylǵan soń jumys berýshi endi saqtandyrý tólemderin – 10 jyldaǵy ortasha aılyq jalaqysyn tólep otyrady", – dedi ákim.
Oblys ákimi Sháımerdenovter otbasy aldaǵy ýaqytta da memleket nazarynan tys qalmaıtynyn aıtty.
"Blogerler men belsendiler jarıalaǵan jekelegen kómekterge esh qarsylyǵym joq, tek teris jaqqa paıdalaný nysanyna aınalmasa boldy", - dedi ol.
Eske salaıyq, buǵan deıin "Maıqaıyń altyn" ken ornynda úlken oıyq mańyndaǵy topyraq opyrylyp, 4 adam mingen avtobýs jerdiń astyna túsip ketken bolatyn.
Osy tusta "Maıqaıyń" altyn kenishindegi apatta is-túzsiz joǵalǵan eki qutqarýshynyń týystary kómek surap, Astanaǵa barǵan edi.
Olar memlekettik organdardan qutqarý jumysyn jalǵastyrýdy talap etken bolatyn.
“İzdestirý jumystarynyń toqtatylǵanyna 39 kún, qaıǵyly oqıǵadan beri 89 kún ótti. Balalar: "Ákem qaıda?" dep suraıdy. Ákesi joq. Kúni-túni kóz jasym qurǵamaıdy. Kúıeýimniń ákesi ınsýlt aldy, al enemniń qan qysymy bar. Olardyń jalǵyz uly joǵalyp ketti. Ony tipti jerleı almaı otyrmyz”, – dedi ashynǵan áıel KTK arnasyna bergen suqbatynda.
