Máskeýdiń bul sheshimi reseilik diplomattardyń AQSh aýmaǵynda qalý merzimin shektegen Vashingtonǵa qarsy jaýap bolyp tur. Zaharovanyń sózinshe, bul Reseidiń tańdaýy emes, – «mundai oiyndy AQSh-tyń ózi tańyp otyr».
Osyǵan deiin Vashington Qurama Shtattardan kelesi jyldyń 30 qańtaryna deiin 27 reseilik diplomattyń ketýin talap etken. Máskeýdegi Amerika elshiligi ázirge bul jaǵdaiǵa qatysty pikir bildirmedi.
2020 jyly AQSh memlekettik departamenti Vashingtonda, Niý-Iorkte jáne Hiýstonda jumys isteitin Resei diplomattaryna úsh jyl merzimnen artqy qalýǵa bolmaityn shekteý qoiǵan.
– Eger kelesi jyldyń 1 shildesine deiin Vashington úsh jyldyq shekteýden bas tartpasa, Reseiden taǵy da amerikalyq diplomattar shyǵarylady, – dep eskertedi Resei syrtqy ister ministrligi.
Sońǵy birneshe jyldan beri Vashington men Máskeý arasy nasharlap ketti. Bul Reseidiń Ýkraina jeri Qyrym túbegin anneksiialaǵannan keiin bastaldy.
