Maskasyz júrgenderge aiyppul salynýy múmkin
"Almaty turǵyndary maska kiiýge mindetti. Indetti aýyzdyqtap, karantindi toqtatý úshin osy talapty saqtaý qajet.
Osy sebepti aýdan ákimdikteri, politsiia departamentiniń qyzmetkerlerine tiisti tapsyrma berdik. Olar maskasyz júrgen azamattarǵa eskertý jasap, karantin talaptaryn saqtaýdy suraidy. Kesheden beri bul jumys qyzý júrip jatyr. Maskasyz júrgen 400-ge tarta azamatqa eskertý jasaldy", – dedi Almaty qalasy ákiminiń orynbasary Erlan Qojaǵapanov.
Ol ákimdiktiń ázirge eskertýmen ǵana shektelip otyrǵanyn aitty. Buǵan qulaq aspaǵan azamattarǵa aiyppul salýǵa týra keledi.
"Barlyǵy qazirgi qalyptasqan ahýaldyń qalai qubylaryna bailanysty. Indet asqynyp, al maskasyz júrgen azamattardyń sany arta tússe, tiisinshe shara qabyldaimyz. Munyń ishinde aiyppul salý jáne basqa da ákimshilik jaýapkershilik túrleri bar", – dedi Saǵyntaevtyń orynbasary.
