Sybailas jemqorlyqqa qarsy is-qimyl agenttiginiń Shyǵys Qazaqstan oblysy boiynsha departamenti QR QK 190-babynyń 4-bóliginiń 3-tarmaǵynda kózdelgen aýyr qylmys jasaǵany úshin Resei Federatsiiasynyń azamatyn izdestirip jatyr, - dep habarlaidy Dalanews.kz.
"Qapenov Azamat Abaiuly, 12.04.1978 jyly týǵan, Prjevalsk qalasy, Qyrǵyz Respýblikasynyń týmasy. Bultartpaý sharasy – "Qamaýda ustaý", - delingen habarlamada.
Izdestirilip jatqan adamnyń ornalasqan jeri anyqtalǵan ne yqtimal ornalasqan jeri týraly aqparat bolǵan jaǵdaida izdestirý bastamashysy Sybailas jemqorlyqqa qarsy is-qimyl agenttiginiń Shyǵys Qazaqstan oblysy boiynsha departamentine (mekenjaiy Óskemen qalasy, Liharev kóshesi, 2) kelesi telefondar boiynsha habarlaýǵa bolady: kezekshi bólim 8 (7232) 29-88-88, izdestirý toby, uialy telefon 8-708-908-92-79, (nemese elektrondy poshta kb.vko@antikor.gov.kz).
Antikor izdestirýge kómekteskenderge syiaqy beriletinin jáne derekteri qupiia saqtalatynyn aityp otyr.
Eske salaiyq, 14 tamyzda Másimovtiń eks-kúieýbalasyna izdeý jariialanǵany belgili boldy.
Izdeý jariialanǵan Másimovtiń eks-kúieýbalasy Azamat Kápenov Birikken Arab Ámirlikterinde jasyrynyp júrýi múmkin. Bul týraly aqparat «Vyhod k moriý» telegram arnasynda paida boldy.
Telegramdaǵy málimet boiynsha, bul týraly aqparat reseilik «Magistral» júiesinde paida bolǵan. «Magistral» - el ishinde qoǵamdyq kólik jolaýshylarynyń qozǵalysyn jáne olardyń Resei Federatsiiasynyń Memlekettik shekarasynan ótýin tirkep otyratyn júie. «Vyhod k moriý» Kápenov Máskeýden Dýbaiǵa 2023 jyldyń 22 shildesinde ushyp ketip, qaitadan oralmaǵanyn jazady.
