Qazaqstandyq sarapshylar Qańtar oqıǵasy kezinde Másimov kimmen jumys istep, Toqaevpen ne jaıly sóıleskenin aıtty, - dep habarlaıdy Dalanews.kz.
"Másimov 2016 jyly Ulttyq qaýipsizdik komıteti basshysy qyzmetine kelip, tranzıt jaǵdaıynda kepilger boldy. Jáne meniń oıymsha, Másimovke bolyp jatqan jaıttyń bári unamaıtyn. Iaǵnı oǵan Toqaev atqaryp otyrǵan dúnıeler unamady. Olardyń jospary - prezıdentti qorqytyp, jaǵdaı ýshyǵyp ketkenin aıtyp, qorǵaný keregin jetkizý bolǵan. Eger Toqaev osyǵan senip, satylyp ketse, ony ustap, qamap tastar edi. Al ózi (Másimov) bılikti óz qolyna alar edi. Nazarbaevty qaıtaryp ala ma, joq pa – naqty aıta almaımyz. Qazir ashyp eshteńe aıta almaımyz, sebebi is qupıa túrde júrgizildi. Ol jerde memlekettik qupıa kóp", - deıdi depýtat Nıkıta Shatalov reseılik jýrnalıs Alekseı Pıvovarovqa bergen suhbatynda.
Másimovtiń ustalýyna qatysty Orda.kz saıtynyń bas redaktory Gúlnara Bajkenova da pikir bildirgen.
"Ol osynyń barlyǵynyń negizgi benefısıary bola almady. Sebebi kem degende onyń ulty qazaq emes, joǵary laýazymdardy óz qolyna ala almaıdy. Ol óte yqpaldy adam boldy, Nazarbaevtyń adamy. Biraq ol jeke jalǵyz ózi júrip "oıyn júrgize almaıtyn". Qańtar kezinde ol eki ortada júrip, prezıdentke messedj jetkizip otyrǵan. Ol Nazarbaevtar áýleti qazirgi prezıdentke elden ketip qalý kerek dep últımatým qoıǵanyn jetkizgen. Iaǵnı mine tikushaq degendeı. Aqsha da usynylǵan. Toqaev bas tartqan: "maǵan qarý berińder, qajet bolsa ózimdi atyp tastaımyn, biraq elden ketpeımin" degen. Muny dál sol jerde júrgen adamdar aıtty. Másimov pen Toqaev ózara qytaısha sóılesken. Másimov "endi men ne isteımin?" dep suraǵan. Toqaev "endi tym kesh boldy" dep jaýap bergen", - deıdi Bajkenova.
Eske salaıyq, buǵan deıin DALAINSIDE Qańtar qyrǵynynda Nazarbaev áýleti qaıda bas saýǵalaǵany týraly jazǵan bolatyn.Qulekeev bul oraıda kelesideı ınsaıdpen bólisken edi.
"Biraz basqa oqıǵalar bolǵan. Maǵan eks-prezıdenttiń úlken qyzynyń umytshaqtyǵy týraly aıtty. Qańtardyń qarsańynda Darıǵa Nazarbaeva Jańa jyldy toılaýdyń qyzyǵyna kirgeni sonshalyq, ony Almatydan tez arada qaýipsiz jerge ketý týraly kóndirgen soń, ol Naýaı kóshesindegi rezıdensıadan anasy Sara Nazarbaevany ózimen birge alyp ketýdi umytyp ketken...".
Dalainside nazar aýdarǵan taǵy bir jaıt Qulekeev kitapta Sara apamyzdy Nazarbaevtyń birinshi áıeli dep jazady. Buǵan toqtalyp jatqandy jón kórmedik, bul jaǵy kópshilikke tańsyq emes dep topshyladyq.
"(Darıǵa) Sheshesin úıde qaldyryp ketkeni eske túskende, qalada búlik bastalyp, evakýasıalaýda qıyndyq týyndaǵan. Memkúzettiń qyzmetkerleri Sara Nazarbaevaǵa brondy mashınanyń kúzetimen tórt kólik jiberýge májbúr bolǵan. Tek osylaı ǵana burynǵy birinshi hanymnyń qaýipsizdigin qamtamasyz ete aldy", – deıdi Qulekeev.
Qulekeevtyń aıtýynsha Qańtarda Nazarbaevtyń ózge týystary men serikteri de solqyldaqtyq tanytqan. Máselen, eks-prezıdenttiń nemere inisi Ahmetjan Esimovtyń záre-quty qashqany sonsha bir top nókerimen Medeý muz aıdynyn bókterlep, "Shymbulaq" shıpajaıyna jasyrynǵan.
Sonymen qatar, Dalainside Másimov isindegi qaltarysta qalǵan núansterge úńildi.
Alǵashqy taraýda "murttynyń" AQSH-ta tirkelgen baspa úıin basqarǵan, ári osy jerden shyqqan Másimovtyń kitaptaryn taratýmen aınalysqan Ksenıa Krýpenko týraly aıtqanbyz.
Onyń Kárimniń adamy ekeninde kúmán joq, áıtkenmen Másimovtiń isine yqpal etýge Krýpenkonyń saıası salmaǵy jetpeıdi. Bul mısıa - oǵan qaraǵanda áldeqaıda kólemdi kalıbrlerge, sonyń ishinde Aq úıdiń mańyndaǵy saıasatkerlerge júktelgen.
Sonyń biri - AQSH Memdepartamenti men Qaýipsizdik keńesiniń eks-qyzmetkeri Devıd Merkel. Keıbir derekkózdiń maǵlumaty boıynsha Merkel Nazarbayev University dırektorlar keńesine de kirip alǵan.
Transulttyq kompanıalardyń lobbıimen aınalysatyn Merkeldi ótken jyldyń sáýirinde Shevron kompanıasy Qazaqstan boıynsha keńesshi etip jaldapty.
Intelligence Online taratqan málimetke sáıkes - Shevron Másimovtiń basynan baq taıady dep kútpegen, eldegi eń iri ınvestor men Aqordanyń arasyndaǵy kelissózde Másimov deldal esebinde júrgen. Bylaısha aıtqanda, munaı-gaz salasyndaǵy irili-usaqty túıtkilder "murttynyń" kómegimen rettelgen.
Soǵan qaraǵanda Merkel Nazarbaev áýletine de bóten emes.
