Búgin Astana qalasynyń qylmystyq ister jónindegi mamandandyrylǵan aýdanaralyq soty Ulttyq qaýipsizdik komıtetiniń burynǵy tóraǵasy Kárim Másimovke jáne onyń orynbasarlary A.Sadyqulovqa, D.Erǵojınge, M.Osıpovke qatysty qylmystyq is boıynsha úkimin jarıa etti, – dep habarlaıdy Dalanews.kz.

İs sotta «asa qupıa» belgisimen qaraldy.

Sot Kárima Másimova QR Qylmystyq kodeksi boıynda memleketke opasyzdyq jasaý, bılikti kúshpen basyp alý, bılik pen laýazymdyq ókilettigin asyra paıdalaný degen aıyptar boıynsha 18 jylǵa jaza kesti.

Sonymen 18 jyldy arqalaǵan Kárim Másimovtiń dúnıe-múlki tárkilenip, ómir boıyna memlekettik qyzmet salasynda jumys isteý quqynan aıyrylǵanyn aıta ketýimiz kerek!

Astana qalalyq sotynyń resmı saıtynda jarıalanǵan málimetke sáıkes, K.Másimov pen A.Sadyqulovqa memleketke opasyzdyq jasaý, bılikti kúshpen basyp alý, bılik pen laýazymdyq ókilettigin asyra paıdalaný, D.Erǵojınge bılikti kúshpen basyp alý, bılik pen laýazymdyq ókilettigin asyra paıdalaný, M.Osıpovke bılik pen laýazymdyq ókilettigin asyra paıdalaný aıyby taǵylǵan.

Eske salaıyq, UQK-niń eks-basshysy Kárim Másimovke Qańtar oqıǵasy boıynsha aıyp taǵylǵan bolatyn.

Bas prokýror Berik Asylov atap ótkendeı, tártipsizdikter kezinde Másimovtiń tapsyrmasy boıynsha UQK departamentteriniń jeke quramy jumys oryndaryn tastap ketken.

Tergeý «asa qupıa» belgisimen júrgizildi.