Masanchi? Barlyǵy joldaǵy janjaldan bastalǵan - Ishki ister ministrligi
Bul týraly Ortalyq kommýnitsiialar qyzmetinde jýrnalister saýalyna jaýap bergen Ishki ister ministri orynbasary Aleksei Kalaichidi aitty dep habarlaidy Dalanews.kz.
Saitymyzdyń tilshisi odan quqyq qorǵaýshylardyń oqiǵa oryn alǵan jerge nelikten keshigip kelgenin surady.
"Qordaidaǵy janjalǵa qatysty alyp-qashpa aqparat áleýmettik jelilerde aqpannyń 7-sinen bastap tarala bastady. Eger mundai málimet 6-synda taralsa, erterek qamdanar edik. Óz tarapymyzdan zań aiasynda áreket etip, tiisti shara qabyldadyq. Tóbeleske qatysqandardy quryqtadyq, qylmystyq is qozǵadyq.
Nelikten keshigip jetti deseńizder, muny sebebi túsinikti bolar. Masanchi aýyly oblys ortalyǵynan qashyqta (350 shaqyrym) ornalasqan. Ushaqpen jete almaisyń, kólikpen kelý úshin ýaqyt kerek", – deidi Kalaichidi.
Onyń sózinshe bári joldaǵy janjaldan bastalǵan.
"Joldaǵy kikiljiń sebepshi bolǵan. Jeńil kóliktegi úsh adam jolmen týra tartyp kele jatqan, osy arada qaptaldaǵy úilerdiń birinen júk kóligi shyǵyp, kúre jolǵa kóterilgen. Onyń ishinde de úsh adam bolǵan. Kim kimge jol berýi kerek. Sol arada daý týyndap, arty jaǵa jyrtysýǵa ulasqan", – deidi Kalaichidi.
Al 7 aqpanda áleýmettik jelilerde túrli qaýeset tarap, jastar arandap qalǵan.
Ol sonymen qatar joldaǵy janjalda soqqyǵa jyǵylyp, aýyr jaraqat alǵan qariia týraly aitty.
"Osy janjalda ol (qariiany aitady red.) jaraqat aldy. Dál qazir Qordaidaǵy daýǵa qatysty arandatqan aqparat taratqandardy anyqtaý ústindemiz", – dedi Kalaichidi.
