Mas qyzdy Camry-70 kóligimen qydyrtqan sheneýnik abaqtyǵa qamaldy
Kókshetaý qalasynyń ákimshilik soty onlain-rejimde Aqmola oblysy boiynsha Reviziialyq komissiiasynyń tóraǵasy, 45 jastaǵy Rýslan Sháripke qatysty isti qarady. Eske sala ketsek, oblys ortalyǵynyń politseileri 27 tamyzda qalany patrýldeý kezinde shamamen túngi saǵat 5-te "Toyota Camry-70" kóligin toqtatqan.
– Kólik rólinde otyrǵan júrgizýshi, azamat Rýslan Shárippen sóilesken kezde alkogoldiń iisi qatty shyqty. Onyń qasynda bir qyz bolǵan, ol da mas kúide, – dedi sotta politsiia qyzmetkeri Meirambek Shaijanov.
Politseiler Sháripke narkologiialyq ortalyqqa barýdy usyndy, mas júrgizýshi ábden minez tanytqan. Meditsinalyq kýálandyrý kórsetkendei, Shárip mas kúide bolǵan. Tártip saqshylary mas kúiinde kólik júrgizgeni úshin hattama toltyryp, materialdardy sotqa jibergen.
Sotta sóz alǵan Shárip "Toyota Camry-70" kóligimen júrgenin joqqa shyǵarmady. Prokýror Erbol Tańatov jinalǵan dálelderdi jetkilikti dep eseptep, sottan aiyptaý úkimin shyǵarýdy surady.
– Rýslan Shárip QR Ákimshilik kodeksiniń 608 babynyń 1 bóliginde kózdelgen ákimshilik quqyq buzýshylyq jasaǵany úshin kináli dep tanylsyn. Oǵan 15 táýlikke ákimshilik qamaýǵa alý jáne 7 jylǵa júrgizýshi kýáliginen aiyrý túrindegi jaza taǵaiyndalsyn, – degen úkim oqydy sýdia Serik Tóleev.
https://youtu.be/UabHn2pueV0
https://dalanews.kz/news/67310-talay-azamatymyzdan-ayyryldyq-toqa
