Sýkerberg bıyl Amerıkany aralap, ár shtatta dos-jaran taýyp, jańa adamdarmen tanysýdy maqsat etip otyr. Ótken Jańa jylda tanymal kásipker qytaı tilin meńgerip, 365 mıl júgirýge ýáde bergen bolatyn. Sýkerberg sózinde turǵanyn, bergen ýádesiniń bári oryndalǵanyn aıtyp sendirdi.
Tapsyrma shartyn oryndaý úshin Sýkerberg taǵy 30 shtattta bolýy tıis. Ataqty bıznesmendi AQSH-ty, onda turatyn amerıkalyqtardy jaqynyraq tanýǵa 2016 jyldyń oqıǵalary ıtermelepti.
«Byltyrǵy jyl ońaıǵa soqqan joq. Osy ýádemdi oryndaı otyryp, men adamdarmen jaqynyraq aralasyp, olardyń turmysyn, qalaı ómir súrip jatqanyn kórgim keledi. Kim bolyp jáne qaıda jumys isteıtinderin, bolashaq týraly ne oılaıtynyn bilgim keledi», - dep jazǵan Sýkerberg óziniń jeke paraqshasynda.
Internet-mıllıarderdiń pikirinshe, qazir adamzat «tarıhtyń betburysty sátinde» tur.
«Ondaǵan jyldar boıy jahandaný men tehnologıa bizdiń eńbegimizdi jemisti etip, bizdi bir arnaǵa toǵystyrdy. Biz munyń ıgiligin kórdik, deı turǵanmen osynyń kesirinen kóp adamnyń ómiri qıyndaı tústi. Qoǵamda bóliný paıda boldy. Sol sebepti biz oıyn erejelerin ózgertýimiz kerek», - deıdi bıznesmen.
