Eńbekshiqazaq jerinde aýyldardyń tek 17%-y ǵana kógildir otynǵa qosylǵan. Bul degenimiz jalpy sany 25 myń abonenttiń 10 myńynyń gazǵa qol jetkizgenin kórsetip otyr.
Óńirdegi halyqtyń ashýyn týdyrǵan dúnie gazǵa qosylý baǵasynyyń qambat bolýy. Dál qazirgi kógildir otyndy úige kirgizýge ketetin qarjy 350-396 myń teńgeniń aralyǵyn quraidy. Atalǵan qarajat qarashanyń qaltasyna aýyr tiiýde.
Turǵyndar tarapynan aitylǵan ýájge qatysty Marat Sultanǵaziev pikir bildirdi.
– Biz bul máseleni Básekelestikti qorǵaý jáne damytý agenttigimen pysyqtap jatyrmyz, jaqyn arada sheshý joldaryn tabamyz dep oilaimyn, – dedi oblys ákimi.
Aita keteiik, 2022-2023 jyldary «KazTransGaz Aimak» aktsionerlik qoǵamy esebinen Saimasai jáne Qainar aýyldaryn gazdandyrý josparlanǵan. Jobanyń quny – 2,5 mlrd tenge, jalpy uzyndyǵy 89 shaqyrym gaz qubyrynyń 67 shaqyrymy salynǵan. Endi 22 shaqyrym gaz qubyryn tartý qaldy.
Sonymen qatar, Taldybulaq, Satai jáne Qarakemer aýyldaryn gazdandyrý úshin jobalyq- smetalyq qujattama ázirlenýde.
