Maqtaaral aýdanynda otyz adam qatysqan tóbeles boldy
Buzaqylyq áreketterge Seifýllin aýyly turǵynynyń kámelet jasqa tolmaǵan qyzyna (7 jasar qyz)16 jastaǵy jasóspirimniń seksýaldy sipattaǵy áreketter jasady degen kúdigi sebep bolǵan. Bul jait Sotqa deiingi biryńǵai tergep-tekserý reestrine tirkelip, QR QK-niń 121-baby, 4-bólimimen qylmystyq is qozǵaldy. Ata-anasynyń baqylaýymen dárigerler jas qyzdyń denesiniń intim jerlerin tekserip, nátijesinde patologiiasy men dene zaqymdary anyqtalmaǵan. 30 adam qatysqan tóbeles saldarynan úsh turǵyn dene jaraqatyn alyp, dúkenderdiń biriniń terezesi synǵan.
Politsiia ókilderi jalǵan aqparat taratqandardyń jazalanatynyn eskertti. Sonymen qatar, IID ókilderiniń aitýynsha, 7 jastaǵy qyz birqatar saraptamadan ótedi eken. Al kúdikti jasóspirim ata-anasynyń jaýapkershiligine berilgen. Osy derek boiynsha sotqa deiingi tergeý júrip jatyr.
– Bir top azamattardyń buzaqylyq is-áreketterin tergeý boiynsha aýdandyq IIB kriminalisteri men tergeýshilerinen jedel-tergeý toby qurylypty. Qoǵamdyq qaýipsizdikti saqtaý maqsatynda ishki ister organdarynyń 170 qyzmetkeri jumyldyrylǵan. 1 tamyzda Ońtústik Qazaqstan oblysy ákiminiń, oblys prokýrorynyń, ishki ister departamenti bastyǵynyń orynbasarlary Seifýllin aýylynyń turǵyndarymen jiyn ótkizdi. Quqyq qorǵaý jáne memlekettik organdar azamattyq qoǵam institýttarynyń birlesken is-áreketteriniń arqasynda tártipke qarsy is-áreketter shektelip, toqtatyldy. Jaǵdai baqylaýda, – delingen habarlamada.
