Maqtaaral aýdanynda jańa ákim taǵaiyndaldy
Ákimdi aýdan aktivine arnaiy tanystyrǵan aimaq basshysy aldaǵy jumysyna sáttilik tilei otyryp, Elbasy bekitken memlekettik baǵdarlamalardyń sapaly túrde júzege asyrýǵa atsalysý qajettiligin aitty.
– Memleket basshysy biylǵy Joldaýynda aýyl sharýashylyǵyna airyqsha kóńil bóldi. Ásirese bul salany tsifrlandyryp, ónim kólemin arttyrý mindeti qoiylyp otyr. Bul jumysty úilestirýde Jamantai Beisenbaevtyń tájiribesi men biliktiligi jetedi dep oilaimyn. Búginde munda kóktemgi egis naýqany qyzyp jatyr, maqta tuqymy tolyq jetkilikti. Osy kóktemgi ýaqytty tiimdi paidalanyp, egin egýdi utymdy júrgizýdi, ekonomikany ártaraptandyrýdy jáne óndiris salasyna investitsiia tartyp, kókónis pen baqsha daqyldarynyń ekportyn ulǵaitýdy tapsyramyn, – dedi J.Túimebaev.
Sondai-aq, oblys ákimi aýdanda gazdandyrý jumystary qarqyndy túrde júrgizilip jatqanyn aityp, sol baǵyttaǵy jumystardy jalǵastyrýdy jáne eńbek resýrstaryn rettep, halyqty jumyspen qamtýdy tapsyrdy. Osy rette, ákim eńbek kúshi mol Maqtaaral aýdanynan, eńbek kúshi jetispeitin respýblikamyzdyń soltústik óńirlerine qonystaný boiynsha túsindirý jumystaryn kúsheitip, eldi sol jaqta sharýashylyqpen ainalysýǵa shaqyrýdy mindettedi. Osy atalǵan jumystardy aýdan depýtattarymen birlese otyryp júzege asyrýdy aitty.
J.Beisenbaev 1958 jyly týylǵan, bilimi joǵary, mamandyǵy boiynsha ǵalym agronom, zańger. Eńbek jolyn 1982 jyly Almaty oblysy Qaskeleń aýdany «Prigorodnyi» keńsharynyń aǵa agronomynan bastaǵan. 1984-2011 jyldary Aýyl sharýashylyǵy qyzmetkerleri kásipodaǵynyń Jetisai aýdandyq komitetiniń hatshysy, Jetisai aýdandyq partiia komitetiniń nusqaýshysy, «Krasnaia zvezda» keńsharynyń partiia komitetiniń hatshysy, Halyq depýtattary Jetisai aýdandyq Keńesi aýyl sharýashylyǵy bóliminiń meńgerýshisi, Jetisai aýdany ákiminiń birinshi orynbasary, Maqtaral aýdany aýyl sharýashylyǵy basqarmasy bastyǵynyń orynbasary, Maqtaral aýdany Jetisai qalasynyń ákimi, Maqtaral aýdany ákiminiń orynbasary qyzmetterin atqarǵan.
2011 jyldyń shilde aiynan bastap Maqtaral aýdany Jetisai qalasynyń ákimi, 2015 jyly Maqtaaral aýdanynyń ákimi laýazymyn atqarǵan. Al 2016 jyldyń tamyz aiynan búgingi kúnge deiin Ońtústik Qazaqstan oblysy ákiminiń keńesshisi bolyp eńbek etip kelgen.
OQO ákiminiń baspasóz qyzmeti
