Aldaǵy úsh jylda oblysta 100 mlrd teńge kóleminde qarjyǵa 15 jobany iske asyrý josparlandy. Biyl jyl sońyna deiin úsh joba iske qosylady. Olardyń qatarynda kópfýnktsionaldy qonaq úi-týristik kesheni qurylysynyń ekinshi kezeńi – "Golf-klýb", " Town Center " saýda ortalyǵy jáne "Flamingo kýrorty" demalys bazasy bar.
Al keler jyly alty jobany iske asyrý josparlanyp otyr. Atap aitsaq, villalar men páterler kesheni qurylysynyń ekinshi kezeńi, "Aqualina Resort" kýrorttyq-qonaq úi kesheniniń qurylysy, "Dostar" qonaq úi keshenin keńeitý, "Nur" saýyqtyrý kesheni, "Seaside Palace" demalys aimaǵy jáne Aqtaý qalasyndaǵy qonaq úi kesheni.
Keler jyly jyly bes jobany iske asyrý josparlandy:
- Aqtaý qalasynyń "Jyly jaǵajai" aýdanynda saýyqtyrý keshenin salý jáne paidalaný;
2."Caspian house" qonaq úi kesheniniń qurylysy;
- "Relax" zamanaýi týristik kesheniniń qurylysy;
4.Qonaq úi kesheniniń qurylysy, "NOMAD Aktau" JShS
- "Tethys Resort" demalys bazasynyń jobasy.
Mańǵystaý oblystyq týrizm basqarmasynyń málimetine súiensek, týrizm salasyndaǵy jobalardy iske asyrý óńirge qosymsha investitsiialyq qarjy tartýǵa, týristerdiń jańa aǵynyn arttyrýǵa múmkindik beredi, jańa jumys oryndaryn qurylýyn, salyq aýdarymdarynyń túsýin qamtamasyz etedi, týrizm salasyn ǵana emes, ekonomikanyń basqa da sektorlaryn damytýǵa serpin beredi.
Sońǵy birneshe jylda aimaqta týrizm salasy serpinmen damydy.
QR Prezidenti Qasym-Jomart Toqaev óziniń alǵashqy tapsyrmalarynyń birinde "Týrizm indýstriiasynyń salmaqty mýltiplikativtik dinamikasyn eskere otyryp, biz kásipkerlerdi Qazaqstannyń barlyq rekreatsiialyq aýmaqtarynda qonaqúiler men tamaqtaný pýnktterin salýǵa barynsha tartýymyz qajet" dep atap ótti.
Mańǵystaýda Memleket basshysynyń tapsyrmasy aiasynda birqatar iri jobalar iske asyryla bastady.
Byltyr "Jyly jaǵajai" aýdanynyń injenerlik infraqurylymyn damytý boiynsha jumystardyń birinshi kezeńi aiaqtaldy. Qurylystyń jalpy somasy 17 mlrd teńgeni qurady, 31 shaqyrym jol, 10,5 shaqyrym elektr, 58 shaqyrym gaz jáne 56 shaqyrym sý qubyry jelileri salyndy.
Sonymen qatar, Memleket basshysynyń tikelei tapsyrmasy aiasynda QR Úkimetiniń qoldaýymen kýrorttyq aimaqty damytýdyń injenerlik-kóliktik infraqurylymynyń ekinshi kezeńin damytý boiynsha tiisti jumystar júrgizilip jatyr.
Infraqurylymdy odan ári damytý nátijesinde jergilikti kásipkerlerde jańa týristik bastamalardy iske asyrý úshin úlken múmkindikter paida boldy.
Mańǵystaý oblysynyń týristik nysandaryna aparatyn baǵyttaǵy birqatar servistik-qyzmet kórsetý núktelerde 12 sanitarlyq-gigienalyq torap ornatyldy. Sonymen qatar, biregei brend-býk, logotip ázirlendi, "visitmangystau.kz" saity iske qosyldy, qala ishilik avtobýstar men aialdamalar bir stilde bezendirildi.
Mańǵystaý oblysy men Aqtaý qalasynyń týristerine arnalǵan jolsilteme, karta qalyptastyryldy. 2021 jyly "Jyly jaǵajai" aýmaǵynda Qazaqstandaǵy alǵashqy birikken taqyryptyq saiabaq pen "Tetysblu" akvaparkiniń ashylý saltanaty ótti. Osylaisha investitsiialyq jobanyń birinshi kezeńi iske asyryldy. Aqtaýdan 20 shaqyrym jerde ornalasqan saiabaqtyń ortalyq Aziiada balamasy joq. Munda Blupower, Watermania, Snorri attraktsiondary jáne taǵy 30-dan astam erekshe attraktsiondar, sondai-aq akvapark bar. Mańǵystaý oblysynyń Kaspii teńiziniń jaǵalaýynda qazir 4 balalar saýyqtyrý lageri, 14 demalys bazasy jáne 7 jeke jaǵajai aimaǵy ornalasqan.
Mańǵystaýdy ashyq aspan astyndaǵy murajai, taǵy 362 áýlie ólkesi dep beker aitpaǵan. Olardyń ishinde Beket ata, Shopan-ata, Sultan-epe, Shaqpaq-ata, Masat-ata siiaqty biregei jerasty meshitteri bar, onda myńdaǵan qajylar aǵylady. Shatqaldar men shatqaldardyń tańǵajaiyp ǵaryshtyq peizajdary búkil álem boiynsha saiahatshylardy tartady. Túbekte barlyǵy 11 myń tarihi-mádeni eskertkish bar.
Týristik ónimderdi qalyptastyrýmen jáne ishki týrizmmen ainalysatyn óńirdiń týroperatorlary 161 týristik marshrýttar men soqpaqtar ázirledi. Búgingi tańda oblys aýmaǵynda 120-dan astam týrfirma jumys isteidi, olardyń 21-i týroperatorlar, qalǵandary-týragentter, iaǵni avia jáne temirjol biletterin satýmen ainalysady. Resmi derekter boiynsha, Mańǵystaý oblysy boiynsha bir sheteldik týristiń shyǵyny orta eseppen 111 myń teńgeni qurady.
Biyl birneshe týristik nysandar iske qosyldy. Shilde aiynda Teniz Village glampingi bastaldy. Jobalyq qýaty – 2 jáne 4 adamdyq jatyn orny bar 10 bólme jasaqtalǵan, kafe men atokólikterge arnalǵan turaǵy bar.
Nysan Túpqaraǵan aýdany Syǵyndy aýmaǵynda ornalasqan. Tamyz aiynda Túpqaraǵan aýdanynda ornalasqan "AURA" demalys bazasy resmi túrde ashyldy. Jobanyń qýattylyǵy kúnine 150-200 adamǵa qyzmet kórsetedi. Demalys bazasynda 40 bólme, 200 avtokólikke arnalǵan kólik turaǵy bar. Sonymen qatar, tamyz aiynda Túpqaraǵan aýdanynda "Sartas" vizit-ortalyǵy da iske qosyldy. Kúnine júzge jýyq týristi qabyldai alatyn nysan "Jyǵylǵan", "Saýra", "Tamshaly" sekildi eń ádemi týristik baǵyttardyń qiylysynda ornalasqan.
