Almatydan Mańǵystaýǵa baǵyt alǵan jolaýshylar poiyzy temirjoldaǵy áskerilendirilgen kúzet qyzmetiniń qyzmetkerin qaǵyp ketti. Er adam oqiǵa ornynda jan tapsyrǵan, dep habarlaidy Dalanews.kz.
«Jolaýshylar tasymaly» AQ baspasóz qyzmetiniń málimetinshe, qaiǵyly oqiǵa 2 aqpanda saǵat 16:10-da bolǵan. №77 poiyz shamamen saǵatyna 78 shaqyrym jyldamdyqpen qozǵalǵan.
Qostýin stantsiiasy mańynda Almaty – Mańǵystaý baǵytyndaǵy №77 jolaýshylar poiyzynyń mashinisi shuǵyl tejeý qoldanǵanyna qaramastan, adamdy qaǵyp ketken. Oqiǵa ólimmen aiaqtalǵan.
Qaza tapqan azamat temirjoldyń áskerilendirilgen kúzet qyzmetiniń qyzmetkeri bolǵan. Bul uiym Qazaqstan temir joly ulttyq kompaniiasynyń enshiles qurylymy sanalady.
Oqiǵa týraly Túrkistan stantsiiasynyń jelilik politsiia bólimine habar berilgen.
Qazirgi ýaqytta oqiǵanyń mán-jaiy anyqtalyp jatyr. Tergeýdi arnaiy komissiia júrgizýde.
