Óńir basshysy Nurlan Noǵaev barlyq mańǵystaýlyqtardy aıtýly merekemen quttyqtap, kelisimmen men birlikke, Otanǵa degen mahabbatqa úndeıtin «birlik otynyń» mán maǵynasyn atap ótti.
– Otpan taýdyń basynda alaý eń aldymen halqymyzdyń bostandyǵy men táýelsizdigi jolynda janyn bergen ata-babalarymyzdyń rýhyna taǵzym etý úshin jaǵylady. Ol halyqtyń birligin bildiredi. El prezıdenti Qasym-Jomart Toqaev aıtqandaı, táýelsizdigimizdi jarıalaı otyryp, biz ata-babalarymyzdyń san ǵasyrlyq armanyn oryndadyq. Ejelden jańarý men jasampazdyqtyń bastaýy, el men birliktiń, ıgilik pen órkendeýdiń tiregi bolǵan bizdiń jolymyz elimizge tabys ákelsin. Búgingi «birlik alaýy» bizdiń birligimizdiń sımvolyna aınalsyn. Rýǵa, júzderge, ulttarǵa bólispeı – bárimiz ortaq Otanymyzǵa adal qyzmet etemiz. Merekelerińizben Amal! Bizdiń birligimiz myqty, al táýelsizdigimiz memlekettiń máńgilik negizi bolsyn, – dedi oblys ákimi Nurlan Noǵaev.
Amal merekesinde úlken rýhanı maǵyna jatyr. Bul kúni turǵyndar ata-baba rýhyna qystan aman-esen shyqqany úshin alǵys aıtyp, Bir-birin kóktemniń kelýimen quttyqtap, renishterin keshiredi.
Al Mańǵystaýdyń eń bıik núktesinde ot jaǵý dástúri úlken tarıhı maǵynaǵa ıe. Jaý jaqyndaǵanda jaýyngerlerge belgi berý úshin ot jaǵylǵan. Búgingi kúni bul el birligi men yntymaǵynyń oty bolyp jaǵylady.
Aıta ketsek, 2008 jyldan bastap Otpan Taýda Amal merekesi toılana bastady. Sodan beri ot mereke kezinde, ata-babalaryn eske alý úshin jaǵylady. Ol halyqtyń birligin bildiredi.
Shara barysynda qańtar oqıǵasynda qaza tapqan azamattardyń rýhyna quran baǵyshtaldy. Sondaı-aq halqymyzdy birlikke, tatýlyqqa shaqyratyn óńir aqsaqaldarynyń qazaqstandyqtarǵa úndeýi jarıalandy.
