ماڭعىستاۋداعى وتپان تاۋدىڭ باسىندا «بٸرلٸك وتى» جاعىلدى
13 ناۋرىزدا «اداي اتا – وتپان تاۋ» تاريحي-مەدەني كەشەنٸندە بٸرلٸك الاۋىن جاعۋ رەسٸمٸ ٶتتٸ, – دەپ حابارلايدى Dalanews.kz ماڭعىستاۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ٶڭٸر باسشىسى نۇرلان نوعاەۆ بارلىق ماڭعىستاۋلىقتاردى ايتۋلى مەرەكەمەن قۇتتىقتاپ, كەلٸسٸممەن مەن بٸرلٸككە, وتانعا دەگەن ماحابباتقا ٷندەيتٸن «بٸرلٸك وتىنىڭ» مەن ماعىناسىن اتاپ ٶتتٸ.
– وتپان تاۋدىڭ باسىندا الاۋ ەڭ الدىمەن حالقىمىزدىڭ بوستاندىعى مەن تەۋەلسٸزدٸگٸ جولىندا جانىن بەرگەن اتا-بابالارىمىزدىڭ رۋحىنا تاعزىم ەتۋ ٷشٸن جاعىلادى. ول حالىقتىڭ بٸرلٸگٸن بٸلدٸرەدٸ. ەل پرەزيدەنتٸ قاسىم-جومارت توقاەۆ ايتقانداي, تەۋەلسٸزدٸگٸمٸزدٸ جارييالاي وتىرىپ, بٸز اتا-بابالارىمىزدىڭ سان عاسىرلىق ارمانىن ورىندادىق. ەجەلدەن جاڭارۋ مەن جاسامپازدىقتىڭ باستاۋى, ەل مەن بٸرلٸكتٸڭ, يگٸلٸك پەن ٶركەندەۋدٸڭ تٸرەگٸ بولعان بٸزدٸڭ جولىمىز ەلٸمٸزگە تابىس ەكەلسٸن. بٷگٸنگٸ «بٸرلٸك الاۋى» بٸزدٸڭ بٸرلٸگٸمٸزدٸڭ سيمۆولىنا اينالسىن. رۋعا, جٷزدەرگە, ۇلتتارعا بٶلٸسپەي – بەرٸمٸز ورتاق وتانىمىزعا ادال قىزمەت ەتەمٸز. مەرەكەلەرٸڭٸزبەن امال! بٸزدٸڭ بٸرلٸگٸمٸز مىقتى, ال تەۋەلسٸزدٸگٸمٸز مەملەكەتتٸڭ مەڭگٸلٸك نەگٸزٸ بولسىن, – دەدٸ وبلىس ەكٸمٸ نۇرلان نوعاەۆ.
امال مەرەكەسٸندە ٷلكەن رۋحاني ماعىنا جاتىر. بۇل كٷنٸ تۇرعىندار اتا-بابا رۋحىنا قىستان امان-ەسەن شىققانى ٷشٸن العىس ايتىپ, بٸر-بٸرٸن كٶكتەمنٸڭ كەلۋٸمەن قۇتتىقتاپ, رەنٸشتەرٸن كەشٸرەدٸ.
ال ماڭعىستاۋدىڭ ەڭ بيٸك نٷكتەسٸندە وت جاعۋ دەستٷرٸ ٷلكەن تاريحي ماعىناعا يە. جاۋ جاقىنداعاندا جاۋىنگەرلەرگە بەلگٸ بەرۋ ٷشٸن وت جاعىلعان. بٷگٸنگٸ كٷنٸ بۇل ەل بٸرلٸگٸ مەن ىنتىماعىنىڭ وتى بولىپ جاعىلادى.
ايتا كەتسەك, 2008 جىلدان باستاپ وتپان تاۋدا امال مەرەكەسٸ تويلانا باستادى. سودان بەرٸ وت مەرەكە كەزٸندە, اتا-بابالارىن ەسكە الۋ ٷشٸن جاعىلادى. ول حالىقتىڭ بٸرلٸگٸن بٸلدٸرەدٸ.
شارا بارىسىندا قاڭتار وقيعاسىندا قازا تاپقان ازاماتتاردىڭ رۋحىنا قۇران باعىشتالدى. سونداي-اق حالقىمىزدى بٸرلٸككە, تاتۋلىققا شاقىراتىن ٶڭٸر اقساقالدارىنىڭ قازاقستاندىقتارعا ٷندەۋٸ جارييالاندى.
