Mańǵystaýdaǵy munaı kásiporyndarynda mıllıardtar jymqyrylǵan, - dep habarlaıdy Dalanews.kz.

Mańǵystaý oblysynyń prokýratýrasy ekonomıkalyq tergeý departamenti, sybaılas jemqorlyqqa qarsy qyzmetimen birlesip munaı-gaz salasynyń 5 kásipornynda tekserý jrgizgen.

«OılTransportKorporeıshn» JSHS-niń («QazMunaıGaz» UK AQ enshiles kásiporny) laýazymdy tulǵalary taýar jetkizýshiden 1,5 mlrd teńgeden astam somaǵa tehnıkalyq erekshelikke sáıkes kelmeıtin avtobýstardy qabyldaǵany anyqtaldy. Bul rette olardyń quny 400 mln teńgege joǵarylatylǵan.

Jumys istelmegen arnaıy tehnıka qyzmetteri úshin 110 mln teńge mólsherinde aqsha qarajatyn aýdarý faktileri belgili boldy.

Al, «West Oil Software» JSHS-de («OılTransportKorporeıshn» JSHS merdigerlik uıymy) jumys istemegen adamdarǵa 400 mln teńgeden astam jalaqy tóleý, kompanıa basshylyǵynyń jaqyn týystaryn qosa alǵanda negizsiz jalaqy esepteý derekteri tirkelgen.

Atalǵan buzýshylyqtar boıynsha Qylmystyq kodekstiń 189-babynyń 4-bóligi (senip tapsyrylǵan bóten múlikti iri mólsherde berý nemese jymqyrý) boıynsha 5 sotqa deıingi tergep-tekserý bastaldy. Prosestik prokýrorlar taǵaıyndaldy.

Sotqa deıingi tergep-tekserý sheńberinde atalǵan uıymdardyń 4 basshy laýazymdy tulǵalary ustaldy. Qylmystyq ister oblystyq ekonomıkalyq tergeý departamentiniń óndirisinde.

Basqa málimetter tergeý múddesi úshin jarıa etilmeıdi.