Қазақша Qazaqsha قازاقشا Русский
Ақпараттық хабарлама
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Референдум-2026

Mańǵystaýda sońǵy úsh jylda 3 millionnan astam gektar jer memleketke qaitaryldy

Dalanews
Mańǵystaýda sońǵy úsh jylda 3 millionnan astam gektar jer memleketke qaitaryldy
Freedom Inside '26
16 aqpanda Mańǵystaý oblysynyń ákimi Nurlan Noǵaev jumys saparymen Qaraqiia aýdanyna qarasty Bostan, Senek jáne Qulandy aýyldaryna bardy. Birqatar áleýmettik nysandy aralap, eldi meken turǵyndarymen kezdesti, - dep habarlaidy Mańǵystaý oblysy ákiminiń baspasóz qyzmeti.

Bostan kentinde 2100 adam turady. Jalpy bilim beretin mektep, balabaqsha, dárigerlik ambýlatoriia jumys isteidi.

Ákimmen kezdesýge kelgen aýyl turǵyndary halyqty jumyspen qamtý, áleýmettik mańyzy bar taýarlardyń baǵasy, bilim, meditsina salasyndaǵy kadr tapshylyǵy, joldyń jai-kúiine qatysty saýaldaryn qoidy.

Ákimniń jumys sapary 1800-den astam adam turatyn Senek aýylynda jalǵasty.

Senek aýylynyń ákimi Orazǵali Bekenbaevtyń aitýynsha, turǵyndar elektr jaryǵymen, ortalyqtandyrylǵan turmystyq gazben, aýyz sýmen 100 paiyzǵa qamtamasyz etilgen.

Aýyl turǵyndary mal jaiýǵa jer bólý boiynsha saýaldaryn qoidy. Mańǵystaý oblysy boiynsha jer qatynastary basqarmasynyń basshysy Esemurat Dúzmaǵambetov oblysta sońǵy 3 jylda 3 millionnan astam gektar jer memleket menshigine qaitarylǵanyn habarlady. Onyń ishinde igerilmei jatqan 2 mln 406 myń 441 gektar aýyl sharýashylyǵy alqaby Qaraqiia aýdanyndaǵy "Senek" JShS-ǵa tiesili.

Jer telimin elektrondy saýda, konkýrstar arqyly paidalanýǵa bolady.

Qaraqiia aýdany ákimdikteri ótkizgen baiqaýlarda jeńimpaz atanǵandardyń qatarynda «Senek» aýylynda uzaq jyldardan beri egin sharýashylyǵymen ainalysyp kele jatqan turǵyndar bar.

– Memleket basshysy Qasym-Jomart Toqaevtyń tapsyrmasy boiynsha aýyl sharýashylyǵyn damytýǵa jan-jaqty qoldaý kórsetilýde. Sol arqyly mal basyn kóbeitýge, aýyl sharýashylyǵy daqyldarynan mol ónim alýǵa múmkindik bolady. Memleket tarapynan jasalyp jatqan qoldaýlar men múmkindikterdi tiimdi paidalaný qajet. Aýyldaǵy ómir súrý deńgeii men turǵyndarynyń tabysy osyǵan bailanysty bolǵandyqtan ákimdikter basqa memlekettik organdarmen birlese otyryp, osy baǵytta júieli jumys júrgizýi qajet, - dedi Nurlan Noǵaev.

Óńir basshysy Qulandy aýylynyń turǵyndarymen de kezdesti.

Aýyl ákimi Sanat Tókenovtiń aitýynsha, aýyldyq okrýgte 106 sharýa qojalyǵy men 175 jeke sharýashylyq tirkelgen. Halyqtyń basym bóligi adai jylqysyn baptaidy. Ótken jyldarmen salystyrǵanda jylqy sany 6,9 paiyzǵa artqan. Buǵan asyl tuqymdy maldy sýbsidiialaý sebep bolǵan.

Byltyr qulandylyq 6 sharýa qojalyǵy asyl tuqymdy malǵa 8 million teńgeden astam sýbsidiia alǵan. Al biyl sýbsidiia kólemi ósedi. 2022 jyldyń sońynda sýbsidiia alýǵa qujattaryn tapsyrǵan 7 sharýa qojalyǵy 14 million teńgege jýyq memlekettik qoldaýǵa ie bolady. Sonymen qatar 2023 jyldyń mamyr aiynan bastap ótinishter qabyldanady.

Byltyr oblysta 330 aýyl sharýashylyǵy sýbektisi jalpy somasy 702 mln teńgege memlekettik qoldaý aldy. Onyń 14-i - Qaraqiia óńirinen.

Mańǵystaý oblysynyń ákimi halyqpen kezdesýinde aýyl sharýashylyǵymen ainalysatyn azamattar memlekettik qoldaýǵa ala alatynyn atap ótti.

– Aýyl sharýashylyǵy barlyq eldiń ekonomikasy úshin mańyzdy sala. Sebebi ol halyqty azyq-túlikpen, kúndelikti ómirge qajetti kiim-keshek tigýge arnalǵan shikizatpen jáne toqyma materialdarymen qamtamasyz etedi. Óńirde aýyldaǵy kásipkerlikti damytý maqsatynda memleket tarapynan qolaily jaǵdailar, sýbsidiia jáne nesie túrinde jan-jaqty qoldaý kórsetilýde. Moiyndaý kerek, munai salasynda barlyǵyn jumyspen qamtý múmkin emes, sondyqtan jańa múmkindikterge nazar aýdarý qajet, sonyń biri – aýyl sharýashylyǵyn damytý, – dedi Nurlan Noǵaev.

Oqi otyryńyz