Mańǵystaýda birqatar eldi mekenderge elektr qýatyn berýge shekteý engizildi
№3 energoblokty apattyq jóndeýge jáne «MAEK» JShS elektr stantsiiasynda №1 JES energoblok jumysynyń toqtaýyna bailanysty «KEGOK» AQ Ulttyq dispetcherlik ortalyǵy dispetcheriniń kelisimine sáikes jóndeý jumystaryn júrgizý kezinde Mańǵystaý oblysynyń kelesi eldi mekenderi boiynsha elektr energiiasyn tutynýǵa ishinara shekteýler engizildi:
- Jańaózen qalasy (ishinara) jáne jaqyn mańdaǵy aýyldar;
- Mańǵystaý aýdanynyń eldi mekenderi;
-Fort-Shevchenko qalasy jáne Túpqaraǵan aýdanynyń eldi mekenderi;
- Munaily aýdanynyń birqatar eldi mekenderi;
- Qaraqiia aýdany birqatar eldi mekenderi;
«MAEK» JShS-de jalpy elektr energiiasy 545 MVt óndiredi. Qazirgi ýaqytta eki energobloktyń toqtaýyna bailanysty elektr stantsiia 245 MVt óndirýde.
Eldi mekenderdi sýmen jabdyqtaýǵa eshqandai shekteýler joq.
Aýrýhanalar men áleýmettik qajettilikter elektr energiiasymen qamtamasyz etiledi.
Apattyń sebepterin joiý úshin ýákiletti memlekettik organdar men kommýnaldyq qyzmetterdiń ókilderi kirgen oblys basshylyǵynyń tóraǵalyǵymen jedel shtab jumys isteidi.
MAEK mamandary №3 energoblokty jóndeýge shuǵyl ótinim berdi.
17 saǵ. 00 min. 11.08.23 j. № 3 energiia blogy boiynsha týrbinany jóndeýge jáne generatordyń ShKASYN (shetka-bailanys apparaty) bólshekteýge kiristi, 21 saǵ.30min. ShKANY bólshekteýdi aiaqtady. Ár eki saǵat saiyn generator men stator rotorynyń oramasynyń oqshaýlaý kedergisin ólsheý metall temperatýrasyna bailanysty ólsheý kórsetkishteriniń ózgerýin salystyrý úshin alynady (stator men rotor oramasynyń birtindep salqyndaýy).
Kombinat qyzmetkerleri Energiia blogynyń jumysyn tez qalpyna keltirý úshin barynsha kúsh salýda.
Sondai-aq, MAEK mamandary energiia blogynyń qazandyǵynda jóndeý jumystaryn júrgizý úshin № 1 energiia blogyn 16.08.23 j. deiin jóndeýge shuǵyl ótinim berdi.
Mamandar № 1 Energiia blogyndaǵy jóndeý jumystaryna Energiia blogynyń qazandyǵy salqyndaǵannan keiin kirisedi.
Jedel shtab turmystyq tutynýshylar úshin elektr energiiasyn berý paidasyna ónerkásiptik obektilerdi qaýipsiz shekteý jóninde sharalar qabyldaýda.
