Mańǵystaý oblysynda jolaýshylar avtobýsy aýdarylyp, tórt adam qaza tapty, dep habarlaidy Dalanews.
Apat 16 qańtarǵa qaraǵan túni Aqtaý – Beineý baǵytyndaǵy tasjolda boldy. Aldyn ala málimet boiynsha, júrgizýshi kólikti basqara almai, avtobýs joldan shyǵyp ketken. Oqiǵa ornynda tórt jolaýshy kóz jumdy, taǵy úsh adam túrli jaraqatpen aýrýhanaǵa jetkizildi.
Avtobýsta barlyǵy 50 adam bolǵan. Kólik tehnikalyq tekseristen ótken, jol jamylǵysy da qalypty jaǵdaida bolǵany habarlandy. Apat qarańǵy ýaqytta tirkelgen.
Qazirgi tańda politsiia oqiǵanyń barlyq mán-jaiyn anyqtaý úshin tergeý júrgizip jatyr.
