Mańǵystaýda 2025 jylǵa deiin 22000 oryndyq 21 mektep salynady
– «Jaily mektep» jobasy aiasynda 2023-2025 jyldarǵa oblysta 22000 oryndyq 21 mektep salý josparlanǵan. Onyń ishinde segiz mektep Aqtaýda, úsheýi Jańaózende salynady. Sondai-aq Beineý aýdanynda eki, Mańǵystaý aýdanynda eki, Munaily aýdanynda alty mektep salý josparlanǵan.
Tizimdi qalyptastyrý kezinde oblystyń ózekti máseleleriniń biri – tabiǵi týýdyń joǵary kórsetkishi jáne ishki kóshi-qonnyń ósýi eskerildi. 2023 jylǵa 13 mektep josparlansa, qazir 10 mekteptiń qurylysyna konkýrs jariialandy, – dedi oblys ákimi Nurlan Noǵaev.
Sonymen qatar, 2024 jyly 12 900 oryndyq 13 mektep, 2025 jyly 9 100 oryndyq 8 mektep salý josparlanǵan. Mektepter paidalanýǵa berilgennen keiin oblysta 15 úsh aýysymdy (3999 oryn) mektepte, 2 apatty (1368 oryn) mektepte jáne 34 mektepte (9 991 oryn) oryn tapshylyǵy joiylady.
