Kezdesýge «QazMunaiGaz» AQ tóraǵasynyń orynbasary Dáýletjan Hasanov, «Ózenmunaigaz» AQ basshysy Nurdáýlet Qilybai jáne jumyssyz qalǵan «BerAli» kompaniiasynyń burynǵy qyzmetkerleri qatysty.
Nurlan Noǵaev jergilikti atqarýshy bilik pen «Qazmunaigaz» kompaniiasy kóterilgen máseleni ońtaily sheshýge yntaly ekenin aityp, barlyq túiitkilderdi kelissóz ústelinde sheshýge shaqyrdy.
Kezdesýde jinalǵandarǵa jalaqy men eńbek jaǵdailaryn saqtai otyryp, «MóldirMunaiServis» JShS-ne uzaq merzimge (3 jyl) jumys usynyldy.
Máselen, 2022 jyldyń sońynan bastap osy ýaqytqa deiin kúndelikti 192 shart boiynsha tenderlik rásimderdiń mártebesine taldaý jáne monitoring júrgizilgen – bul shamamen 15 myń adam. Taldaý qorytyndysy boiynsha tenderden utylǵan merdiger kompaniialardyń qyzmetkerleri jumyssyz qalmaýy úshin ýaqtyly sharalar qabyldanýda.
Búgingi kúni tenderdiń nátijeleri boiynsha jańa merdiger kompaniialarmen 57-ge jýyq shart jasalǵan, olardyń basym bóligi - uzaq merzimdi. Sondai-aq, «QazMunaiGaz» ókildiginiń bastamasymen tenderlik qujattamaǵa aldyńǵy merdigerde jumys istegen qyzmetkerlerdi jumysqa ornalastyrý týraly talap engizilgen. Osy talapqa sáikes utylǵan kompaniialardyń 3 myńnan astam qyzmetkeri jeńimpaz kompaniiaǵa jumysqa ornalastyrylǵan.
Mundai sharalar óz tiimdiligin kórsetýde. Bul utylǵan kompaniialardyń jumystan bosatylǵan qyzmetkerlerin qaita jumysqa ornalastyrýdyń tiimdi quraly bolyp tabylady.
Osyǵan bailanysty «BerAli» mekemesiniń burynǵy qyzmetkerlerine usynylǵan jumysqa turý jáne jumysty ońtaily jaǵdaida jalǵastyrý usynyldy.
«QazMunaiGaz» AQ ókilderi «BerAli» mekemesiniń burynǵy qyzmetkerleri usynylǵan jumys ornynan bas tartqan jaǵdaida, «Ózenmunaigaz» AQ óndiristik jospar buzylmaý úshin konkýrstyq rásimderde jeńgen mekemege kezekte turǵan jumyssyz adamdardy alýǵa májbúr bolatynyn atap ótti.
- Sizderdiń munai-gaz salasyndaǵy jumys tájiribeńizdi eskere otyryp, sázderge «QazMunaiGaz» AQ qoldanystaǵy erejeleri aiasynda jumysqa ornalasý usynylady. Alaida, «Ózenmunaigaz» AQ-na tikelei jumysqa ornalasý týraly talapty qanaǵattandyrý múmkin emes, sebebi bul qoldanystaǵy algoritm sheńberinde jumysqa ornalasý kezegindegi Jańaózen qalasynyń basqa turǵyndary úshin ádiletsiz bolmaq. Men aqylmen sheshim qabyldap, jumysqa ornalasý týraly usynysty qabyldaýdy usynamyn, - dedi Nurlan Noǵaev.
- Jergilikti atqarýshy organdar qolda bar jumys oryndaryn saqtai otyra, jańa jumys oryndaryn qurý, sondai-aq olardy turǵyndar arasynda ádil bólý jónindegi júieli jumysty turaqty negizde jalǵastyratyn bolady.
