Mańǵystaý oblysynda ustazdardan ai saiyn aqsha jinap júrgen mektep basshylyǵyna qatysty qylmystyq is qozǵaldy, - dep habarlaidy Dalanews.kz.
Munaily aýdanynyń prokýratýrasy «№3 arnaiy mektep» KMM tekserý nátijeleri boiynsha mekeme basshylyǵy tarapynan birqatar zań buzýshylyqtardy anyqtady.
Atap aitqanda, mektep basshylyǵy ai saiyn «Kaspi bank» jáne «Halyk bank» mobildik qosymshalary arqyly qaramaǵyndaǵy qyzmetkerlerden aqsha qarajatyn zańsyz jinaýdy júzege asyrǵan.
Budan basqa, formaldy buiryqtar shyǵarý jáne jeke tulǵalarǵa artyq syilyqaqylar esepteý negizinde aqsha qarajatyn zańsyz aýdarý faktileri anyqtaldy.
Sondai-aq, mektep direktory óz qaramaǵyndaǵylardan ózine salynǵan ákimshilik aiyppuldardy tóleýge májbúrlegen.
Atalǵan arnaiy mekteptiń laýazymdy tulǵalaryna qatysty laýazymdyq ókilettikterdi teris paidalaný faktisi boiynsha QK 361-baby boiynsha sotqa deiingi tergep-tekserý bastaldy.
