Mańǵystaý oblysynda 200 jasóspirim qyz júkti bolyp qalǵan
Júktilik boiynsha tizimge turǵandardyń basym bóligi - aýylda turatyn qyzdar. Olardyń ishinde 15-18 jas aralyǵynda 128 qyzdyń júkti bolyp qalǵan jaǵdaiy tirkelgen. Al 70-ten asa qyz qalalyqtar eken. Taǵy 38 júkti qyz Qyzylorda men Ońtústik Qazaqstan oblystarynan kelgender.
"17 jastaǵy qyzdardyń biri Aqtaýǵa basqa qaladan oqýǵa kelip, týystarynyń úiinde turyp jatyr. Ol jigitpen tanysyp, onyń úiine kóship barǵan. Birge ómir súrýdiń nátijesinde ol bala kóterip qalyp, jigiti baladan bas tartqan. Qyz psihologiialyq kómek kórsetý jedel jelisine habarlasqan. Oǵan psihologtar keńes aityp, abort jasatýdyń qajeti joq ekenin aitýmen boldy. Biz ony esepke aldyq. Ol bosanǵanda, ata-anasy keldi", - dedi pediatr.
Dárigerlerdiń aitýynsha, jasóspirimderdiń júktiligine kontratseptsiia quraldary men aborttyń saldaryn bilmeý eken.
