"Mámin myrza, men sizder úshin uialamyn". Kásipker Úkimettiń taǵy bir ótirigin áshkereledi
Kásipker jáne qoǵam qairatkeri Sanjar Boqaev óziniń Instagram paraqshasynda Qazaqstanǵa Qytaidan ákelingen avtobýstardyń videosyn jariialady. Video kommentatorynyń aitýynsha, olar keiinnen Saran zaýytynda óndirilgen kólik retinde beriletin bolady.
«Mine, bizdiń Sarandyq avtobýstarymyz Qytaidan keldi. Made in Kazakhstan siiaqty, qazaqsha biznes. Endi olar stikerlerdi japsyrady, dóńgelekterin bekitedi. Bul bizdiń qazaqstandyq óndiris», - dep túsindiredi video avtory.
Sanjar Boqaev QR Premer-ministri Asqar Maminge, Indýstriia jáne infraqurylymdyq damý ministri Beibit Atamqulovqa jáne Qazaqstan avtobiznes qaýymdastyǵynyń prezidenti Aleksandr Lavrentevke qarata bylai dedi:
«Nege sonda jasyrynyp, úndemei otyrasyńdar? Mine, qazaqstandyq óndiristiń avtobýstary Qytaidan qalai keletindigi týraly taǵy bir jańa beinejazba.
Muny kózi qaraqty, el erteńine alańdaityn turǵyndar túsirip alyp, maǵan jiberedi. Úlken ótirikti kishkentai sýrettiń astyna jasyra almaisyzdar.
Men sender úshin, el múddesine ziian keltiretin osyndai jalǵan óndiris úshin uialamyn», - dep túiindedi ol.
https://youtu.be/ly7kqTvB_4U
https://dalanews.kz/sadak/54459-m-shelik-zharnany-ajtaryp-beri-izder
