Kásiporynǵa gaz ortasy retteletin, 15 myń tonna ónim syıatyn jemis saqtaý qoımasy, táýligine 200 tonna shıkizatty qaıta óńdeý qýaty bar jemister men jıdekterdi sýblımasıalyq keptirý zaýyty, sondaı-aq 9 ga alańda jylyna 1800 tonna qulpynaı jáne 900 tonna salatty jyl boıy ósiretin jylyjaı kesheni kiredi. Birinshi kezeńde ınvestısıalardyń jalpy kólemi 34 mlrd teńgeni quraıdy, ony 2022 jyly paıdalanýǵa berý kózdelgen. Ónimdi óndirý jáne qaıta óńdeý EO jáne AQSH elderiniń ınovasıalyq tehnologıalary boıynsha júzege asyrylatyn bolady. 500 turaqty jáne 7 500 maýsymdyq jumys orny ashylady. Jobany iske asyrý eldiń ımportqa táýeldiligin alma boıynsha 5%-ǵa, jıdekter boıynsha 100%-ǵa tómendetýge jol ashady. İshki naryqqa jetkizýmen qatar, kásiporyn ónimderi shetelge, onyń ishinde Eýropalyq Odaq elderine eksporttalatyn bolady.
Qapshaǵaı qalasynda Úkimet basshysy teńiz balyǵyn ósiretin «Ospanova Development» JSHS balyq ónerkásibi keshenin salý jobasynyń iske asyrylý barysyn tekserdi. Jobalyq qýaty jylyna 10 myń tonnaǵa deıin balyqty quraıdy. Jobanyń quny – 67,3 mlrd teńge, birinshi kezeńdi iske asyrý merzimi – 2022 jyl.
Premer-Mınıstrge Almaty oblysynda 2025 jylǵa deıingi kezeńge arnalǵan qant salasyn damytý josparlary týraly baıandaldy. Sýarmaly jerlerdi keńeıtý esebinen qant qyzylshasynyń egis alańdary 3,3 ese 53 myń gektarǵa deıin ulǵaıtylady. Sý únemdeý tehnologıalaryn qoldaný jalpy ónim jınaý ósimin 3,6 ese 2 mln tonnaǵa deıin qamtamasyz etedi.
Úkimet basshysyna jalpy halyq sany 220 myń adamdy quraıtyn Almaty qalasynyń tórt seriktes qalasy qurylysynyń jobasy – «G4 City» tanystyryldy. Birinshi kezeńde 2370 ga aýmaqta jobalyq halyq sany 60 myń adamdy quraıtyn 1,4 mln sharshy metr turǵyn úımen «Gate City» salynady.
Panfılov aýdanynda Premer-Mınıstr Qazaqstan-Qytaı shekarasyndaǵy «Nur Joly» ótkizý pýnktinde bolyp, «Qorǵas – Shyǵys qaqpasy» AEA kóliktik jáne logıstıkalyq ınfraqurylymynyń damýymen, Qurǵaq port operatorynyń qyzmetimen, «Qazposhta» AQ Bond qoımasynyń jumysymen, sondaı-aq AEA-nyń perspektıvalyq ınvestısıalyq jobalarymen tanysty.
Asqar Mamın qýaty jylyna 60 myń tonna jem-shópti quraıtyn «SSA Feed Mills» qurama jem zaýytynyń óndiristik jelisiniń saltanatty ashylý rásimine qatysty. Joba quny – 4,7 mlrd teńge. Ónimniń 55%-y ishki naryqqa baǵyttalady, 45%-y shetelge eksporttalatyn bolady.
Qarasaı aýdanynyń Abaı aýylynda Premer-Mınıstr ımmýnobıologıalyq preparattar shyǵaratyn «Antıgen» ǴÓK» JSHS jobasymen tanysty. Sondaı-aq kásiporyn alańynda aıyna «QazVaq» vaksınasynyń 1 mln dozasyna deıin quıý boıynsha halyqaralyq standarttarǵa sáıkes keletin jeli uıymdastyrylǵan.
«Kólsaı kólderi» jáne «Altyn Emel» memlekettik ulttyq tabıǵı parkterin aralaý barysynda Premer-Mınıstrge Almaty oblysynda týrızmdi damytý sharalary týraly baıandaldy.
Bıylǵy jyldyń 8 aıynda Almaty oblysynyń ekonomıkasynyń barlyq negizgi salalary boıynsha ósim, onyń ishinde ónerkásipte – 13,8%, aýyl sharýashylyǵynda – 1,1% ósim qamtamasyz etildi. Qurylys jumystarynyń kólemi ótken jyldyń sáıkes kezeńimen salystyrǵanda 16,6%-ǵa artty. 663,5 myń sharshy metr turǵyn úı paıdalanýǵa berildi. Óńirge 369,9 mlrd teńge ınvestısıa tartyldy (+2,3%).
Jumys saparyna Almaty oblysynyń ákimi Amandyq Batalov, ındýstrıa jáne ınfraqurylymdyq damý mınıstri Beıbit Atamqulov, ekologıa, geologıa jáne tabıǵı resýrstar mınıstri Serikqalı Brekeshev, energetıka mınıstri Maǵzum Myrzaǵalıev, densaýlyq saqtaý mınıstri Alekseı Soı, «Samuryq-Qazyna» AQ basqarma tóraǵasy Almasadam Sátqalıev, «Báıterek» UBH» AQ basqarma tóraǵasy Aıdar Áriphanov, aýyl sharýashylyǵy birinshi vıse-mınıstri Aıdarbek Saparov, mádenıet jáne sport vıse-mınıstri Ǵabıdolla Ábdirahymov qatysty.
