Mamonttar adam qolynan qyrylǵan ba?

Dalanews 20 aqp. 2015 10:13 274

Germanıanyń Túbıńen ýnıversıtetiniń ǵalymdary mamonttyń súıegindegi kómirtek ızotopyn zertteı kele, osydan 30 myń jyl buryn aýa raıy alyp janýardyń ómir súrýine jaıly bolǵanyn anyqtady. Ǵalymdar qazirgi Batys Eýropa aýmaǵynda mamonttardyń joıylyp ketýine adamdardyń ańshylyq is-áreketi sebepshi bolýy múmkin degen joramal jasady.    

Ǵalymdar Gravet dáýirindegi (bizdiń jyl sanaýymyzǵa deıingi 30,5-22 myń jyl) mamonttardyń súıegi men tisin zertteı kele olardyń tabıǵattyń kesirinen ólmegenine kóz jetkizdi. Olar Germanıanyń Shvabsk taýlary men Fransıanyń Dordon jazyǵynan tabylǵan mamont súıekterin zerttegen bolatyn. Zertteý qorytyndylary dál sol kezde alyp janýar úshin Batys Eýropada shóp te, sý da jetkilikti bolǵanyn kórsetken. Ǵalymdar óz oılaryna kóz jetkize túsý úshin qazirgi kezdegi at pen buǵylardyń súıekterindegi kómirtek ızotopyn zerttegende eki súıekte de kúkirt pen azottyń turaqtylyǵyn baıqaǵan. Osydan keıin mamandar alyp janýardyń joǵalyp ketýine aýa raıynyń kúrt aýytqýy men ekologıalyq jaǵdaılar sebepshi boldy degen pikirdiń qate ekenin anyqtady.

Usynylǵan
Sońǵy jańalyqtar
x