Tilshilermen júzdesýde Vladislav Lýkin investor aýdan ortalyǵynda uzaq jyldan beri bos turǵan burynǵy mashinaqurastyrý zaýytynyń 8 myń sharshy metr bolatyn ǵimaratyn alyp, shyny zaýytyn salýǵa kirisip ketkenin alǵa tartty.
– Investor aldaǵy ýaqytta qurylys salasyna qajetti shyny buiymdaryn shyǵarýdy kózdep otyr. Sonymen qatar olar ónim shyǵarý kezinde zamanaýi tehnologiialardy paidalanbaq.
Aitalyq, zaýytta shynyny joǵary temperatýrada shyńdaý, boia isin júzege asyratyn bolady. Sonymen qatar investorlar qurylys salasyna qajet qýat kózin únemdeitin shynypaketterdi shyǵarmashy. Óndiris oryny iske qosylǵan kezde 300 adam turaqty jumyspen qamtylatyn bolady. Jobany quny 4 mlrd teńgeni quraidy. Bolashaqta zaýyt Qazaqstandaǵy shyny óndiretin eń iri zaýyt bolady, – dedi aýdan ákimi Vladislav Lýkin.
Osy rette aita ketýimiz kerek, Mamliýt aýdanyndaǵy 90 jyldardan qalǵan ǵimarattardyń 70%-yn túrli maqsatqa paidalanýǵa berilgenin aita ketýimiz kerek.
