"Optimistik stsenarii boiynsha vaktsinalaý naýqany kestege sai jalǵasqan jaǵdaida, táýligine 3 myń naýqasqa deiin tirkeledi, koronavirýstyń sharyqtaý shyńy sáýirdiń sońyna keledi. Al realistik stsenarii kezinde vaktsinalaý kestege sai júrgen jaǵdaida táýligine virýs juqtyrǵan 4000 adam tirkelip, sharyqtaý shyńy mamyrdyń ortasynda bolady dep boljanýda", - dedi Tsoi úkimet otyrysynda.
Aitýynsha, immýnitettiń túzilýine belgili bir ýaqyt qajet, sol sebepti birinshe kezeńde vaktsinalaýdyń tiimdiligi asa baiqalmaidy. Al odan keiin vaktsinanyń tiimdiligi kúsheiip, eldegi epidemiologiialyq ahýaldyń turaqtanýyna yqpal etedi.
Ministr qazirgi tańda óńirlerde 188 myń vaktsina dozasy bar ekenin atap ótti. Vaktsina kestege sai kezeń-kezeńmen jetkizilip jatyr.
"Aidyń sońyna deiin eki million adamdy vaktsinalaý josparlanyp otyr", - dedi Tsoi.
Aitýynsha, búginde óńirlerde 1051 egý pýnkti jumys isteidi. Buǵan qosa, shalǵai aýdandarda, uiymdasqan ujymdar men qoǵamdyq oryndarda vaktsinalaýdy júrgizý úshin 303 kóshpeli egý brigadasy jumyldyryldy. Vaktsinalaý naýqanyna 10 myńnan asa meditsina qyzmetkeri tartyldy.
Almaty, Nur-Sultan, Shymkent, Kókshetaý, Qostanai jáne Qaraǵandy qalalarynda egý pýnkteri saýda ortalyqtarynda, bazarlar men uiymdasqan ujymdarda ashyldy. Bul jerlerde demalys kúnderi de adamdarǵa vaktsina salynady.
