"وپتيميستٸك ستسەناريي بويىنشا ۆاكتسينالاۋ ناۋقانى كەستەگە ساي جالعاسقان جاعدايدا, تەۋلٸگٸنە 3 مىڭ ناۋقاسقا دەيٸن تٸركەلەدٸ, كوروناۆيرۋستىڭ شارىقتاۋ شىڭى سەۋٸردٸڭ سوڭىنا كەلەدٸ. ال رەاليستٸك ستسەناريي كەزٸندە ۆاكتسينالاۋ كەستەگە ساي جٷرگەن جاعدايدا تەۋلٸگٸنە ۆيرۋس جۇقتىرعان 4000 ادام تٸركەلٸپ, شارىقتاۋ شىڭى مامىردىڭ ورتاسىندا بولادى دەپ بولجانۋدا", - دەدٸ تسوي ٷكٸمەت وتىرىسىندا.
ايتۋىنشا, يممۋنيتەتتٸڭ تٷزٸلۋٸنە بەلگٸلٸ بٸر ۋاقىت قاجەت, سول سەبەپتٸ بٸرٸنشە كەزەڭدە ۆاكتسينالاۋدىڭ تيٸمدٸلٸگٸ اسا بايقالمايدى. ال ودان كەيٸن ۆاكتسينانىڭ تيٸمدٸلٸگٸ كٷشەيٸپ, ەلدەگٸ ەپيدەميولوگييالىق احۋالدىڭ تۇراقتانۋىنا ىقپال ەتەدٸ.
مينيستر قازٸرگٸ تاڭدا ٶڭٸرلەردە 188 مىڭ ۆاكتسينا دوزاسى بار ەكەنٸن اتاپ ٶتتٸ. ۆاكتسينا كەستەگە ساي كەزەڭ-كەزەڭمەن جەتكٸزٸلٸپ جاتىر.
"ايدىڭ سوڭىنا دەيٸن ەكٸ ميلليون ادامدى ۆاكتسينالاۋ جوسپارلانىپ وتىر", - دەدٸ تسوي.
ايتۋىنشا, بٷگٸندە ٶڭٸرلەردە 1051 ەگۋ پۋنكتٸ جۇمىس ٸستەيدٸ. بۇعان قوسا, شالعاي اۋدانداردا, ۇيىمداسقان ۇجىمدار مەن قوعامدىق ورىنداردا ۆاكتسينالاۋدى جٷرگٸزۋ ٷشٸن 303 كٶشپەلٸ ەگۋ بريگاداسى جۇمىلدىرىلدى. ۆاكتسينالاۋ ناۋقانىنا 10 مىڭنان اسا مەديتسينا قىزمەتكەرٸ تارتىلدى.
الماتى, نۇر-سۇلتان, شىمكەنت, كٶكشەتاۋ, قوستاناي جەنە قاراعاندى قالالارىندا ەگۋ پۋنكتەرٸ ساۋدا ورتالىقتارىندا, بازارلار مەن ۇيىمداسقان ۇجىمداردا اشىلدى. بۇل جەرلەردە دەمالىس كٷندەرٸ دە ادامدارعا ۆاكتسينا سالىنادى.
