Májiliste Jer qoinaýy týraly kodeks jobasy maquldandy
Otyrysta Jer qoinaýy jáne jer qoinaýyn paidalaný týraly kodeksiniń jobasyn ilespe túzetýlerimen Investitsiialar jáne damý ministri Jeńis Qasymbek baiandady.
Ministrdiń málimdeýinshe, kodeks jobasy – jer qoinaýyn paidalanýshylardyń jumysynda kezdesetin kedergilerdi joiyp, salanyń quqyqtyq bazasyn jetildirýge, halyqaralyq standarttarǵa ótýge jáne investitsiialyq klimatty jaqsartyp, salaǵa tikelei sheteldik investitsiialar tartýǵa baǵyttalǵan. Búgingi tańda 104 eldiń ishinde Qazaqstan geologiia salasyn memlekettik retteý boiynsha tek 74-shi orynda tur. Al jer qoinaýynyń geologiialyq tartymdylyǵy jaǵynan 45-shi orynda. Bul reforma álemde bolyp jatqan daǵdarys pen onyń saldarynan investor tartýǵa bailanysty básekelestiktiń artýynan týyndap otyr.
Ult jospary baǵdarlamasynyń qadamdaryn iske asyrý maqsatynda ázirlengen osy kodeks jobasy boiynsha depýtattardan, turaqty Komitetterden jáne Májilistiń zańnama bóliminen kelip túsken 600-den astam eskertýler men usynystar qaralyp, talqylanǵan.
Jer qoinaýyn oidaǵydai igerý týraly buǵan deiin joǵary bilikte birneshe márte sóz bolyp, zańdy kemeldendirý týraly usynys-pikirler aitylǵan bolatyn. Jańa zań jobasy elimiz jerin tiimdi paidalanýdy, investor tartyp, jumys oryndaryn ashýdy, jer qoinaýynan alynatyn túrli kender men shikizattardy óńdeýdi qolǵa alýǵa múmkindik týǵyzady dep otyr.
