Májilis depýtaty Nikita Shatalov prezidenttiń Qazaqstan halqyna joldaýy týraly oiyn aitty. Depýtattyń sózinshe, biylǵy joldaý - naqty ári shoǵyrlanǵan joldaý bolǵan, - dep habarlaidy Dalanews.kz.
Shatalovtyń sózinshe, eń bastysy – munda taktikalyq máseleniń sheshimi joq, kerisinshe, buǵan deiingi máselelerdiń jalǵasy týraly sóz bolǵan.
«Tipti birinshi bloktyń ózinde fiskaldyq jáne aqsha-nesie saiasatynyń úilesimdiligine qatysty másele strategiialyq sipatta. Biýdjet tapshylyǵy bizde burynnan bar, biraq eskirgen salyq saiasaty men boljaý júiesiniń jetilmegendiginen ol biyl tolyǵymen júzege asyp, Ulttyq qordan qarajat alýdyń ósýine ákelgen.
Joldaýda erekshe kózne túsip, aitylǵany - elektr qýatynyń tapshylyǵy jáne onyń kórshiles elderden importtalýy energetikalyq qaýipsizdikke kúmán týdyryp otyrǵany. Osy tusta mańyzdy infraqurylymdy qarjylandyrýdyń jańa modelin oilap tabý tapsyryldy.
Onyń ústine, meniń túsinýimshe, biz jańa tehnologiialardyń kómegimen ekologiialyq taza jáne qaldyq az shyǵaratyn kómir óndiretin qondyrǵylar týraly da aityp otyrmyz. Atom elektr stansasy boiynsha aldaǵy referendým at ap ótildi - daýys berý kúni kórsetildi, bul sailaý naýqanynyń kontýry aiqyn boldy degendi bildiredi», - deidi Shatalov.
Eske salaiyq, buǵan deiin Almaty qalalyq Jastar Rýhy Jastar qanatynyń tóraǵasy Ákejan Keńesov atalǵan birneshe máselege bailanysty pikirin bildirgen bolatyn.
“Prezident Qasym-Jomart Toqaevtyń joldaýynda el damýynyń basym baǵyttary retinde ekonomika, ǵylym jáne joǵary bilim salalary erekshe ataldy. Bulardyń árqaisy el bolashaǵy úshin asa mańyzdy, sondai-aq munda jastardyń róli zor dep esepteimin.
Memleket basshysy atap ótkendei, Qazaqstannyń ekonomikalyq damýynyń basty maqsaty – azamattardyń tabys deńgeiin arttyrý. Bul maqsatqa jetý úshin ekonomikany ártaraptandyrý, shaǵyn jáne orta biznesti damytý, investitsiialyq ahýaldy jaqsartý mańyzdy. Osy baǵyttarda jastardyń belsendiligi sheshýshi ról atqarýy tiis. Jastardyń kásipkerlikke degen qyzyǵýshylyǵyn arttyrý úshin arnaiy baǵdarlamalar uiymdastyrý qajet",- deidi ol.
